Mahesh Babu : సూపర్ స్టార్ మహేశ్ బాబు, దర్శకధీరుడు రాజమౌళి కాంబినేషన్‌లో తెరకెక్కబోతున్న విజువల్ ట్రీట్ కోసం అభిమానులు ఎంతో ఆత్రుతగా ఎదురు చూస్తున్నారు. ఈ సినిమా గ్లోబల్ స్టాండర్డ్స్‌లో తెరకెక్కనుందని తెలియడంతో అంచనాలు ఆకాశాన్ని అంటుతున్నాయి. ఆఫ్రికన్ అడవుల నేపథ్యంలో సాగే ఈ యాక్షన్ అడ్వంచరస్ మూవీ కోసం మహేశ్ ఇప్పటి నుంచి కష్టపడుతున్నాడు.
ఈ భారీ ప్రాజెక్ట్ కోసం మహేశ్ బాబు తన లుక్‌ను పూర్తిగా మార్చుకుంటున్నాడు. ఇప్పటికే జుట్టు మరియు గడ్డం పెంచుకుని కొత్త అవతారంలో కనిపిస్తున్నాడు. ఇదిలా ఉంటే.. ప్రస్తుతం మహేశ్ తన కుటుంబంతో కలిసి యూఎస్‌లోని న్యూయార్క్‌ను ఎంజాయ్ చేస్తున్నారు. ఈ సందర్భంగా ఆయన భార్య నమ్రతాతో కలిసి తీసుకున్న ఫోటో సోషల్ మీడియాలో వైరల్ అవుతోంది.
మహేశ్ కొత్త లుక్‌లో చాలా హ్యాండ్‌సమ్‌గా కనిపిస్తున్నారని ఆయన అభిమానులు కామెంట్స్ చేస్తున్నారు.మహేశ్ బాబు అండ్ రాజమౌళి కాంబో మూవీ త్వరలోనే సెట్స్‌పైకి వెళ్లనుంది. ఈ సినిమా తెలుగుతో పాటు అనేక భాషల్లో విడుదల కానుంది.
