భీమ్స్ సిసిరిలియో సంగీత సారథ్యంలో ప్రముఖ కోరి్యోగ్రాఫర్ జానీ మాస్టర్ శిష్యురాలు శ్రష్టి వర్మ నృత్య దర్శకత్వంలో మానస్, విష్ణు ప్రియ నర్తించిన ఫోక్ సాంగ్ ‘గంగులు’. జ్యోతి కున్నూరు నిర్మాత గా నివ్రితి వైబ్స్ యూట్యూబ్ ఛానల్ ద్వారా విడుదల చేసారు.
జానీ మాస్టర్ మాట్లాడుతూ: భీమ్స్ మ్యూజిక్ అంటే నాకు చాలా ఇష్టం. తరుణ్ చాలా చక్కటి లిరిక్స్ రాసుకున్నాడు. బుల్లి తెర మీద ఈ సాంగ్ వస్తే ఛానల్ మార్చకుండా ఫ్యామిలీ అందరూ ఎంజాయ్ చేస్తారు. ఈ పాటకు మానస్, విష్ణు ప్రియలు ఇద్దరు చాలా ఎనర్జీటిక్ గా డ్యాన్స్ చేశారు. సాంగ్స్ మాత్రమే కాకుండా మంచి సినిమా తియ్యాలని మనస్ఫూర్తిగా కోరుకుంటు, నివ్రితి వైబ్స్ ద్వారా వస్తున్న ఈ పాట బిగ్ హిట్ అవ్వాలి.
యాంకర్, హీరోయిన్, నిర్మాత, జయతి మాట్లాడుతూ: మానస్, విష్ణు ప్రియ కాంబినేషన్ లో చేసిన జరీ జరీ పాట పాపులర్ అయ్యింది. ఇప్పుడు గంగులు పాటలో మానస్, విష్ణు ప్రియ ల డాన్స్ చాలా చూడముచ్చటగా ఉంది. వీరిద్దరూ డ్యాన్స్ చేసిన ఈ పాటకు ప్రేక్షకులనుండి మంచి క్రేజ్ వస్తుందని ఆశిస్తున్నాను.
సంగీత దర్శకుడు భీమ్స్ మాట్లాడుతూ: నివృత్తి వైబ్స్ లో ఇంతకుముందు ఒక సాంగ్ చేశాను. ఆ పాట తర్వాత నాకు పంపిన ఈ పాట లిరిక్స్ బాగా నచ్చాయి. తరుణ్ లిరిక్స్ వల్లే ఈ పాట చాలా బాగా వచ్చింది. ఇలాంటి ట్యాలెంట్ ఉన్న ఎంతోమంది ఉన్నత ఆశయాలతో తమ స్వస్థలాన్ని వదిలేసి సినిమా ఇండస్ట్రీలో పనిచేయాలని ముందుకు వచ్చే ప్రతి ఒక్కరికీ ప్రేక్షకుల ఆశీర్వాదం ఉంటుంది. మానస్ నేను కృష్ణవంశీ గారి నక్షత్ర లో కలిసి పనిచేసాము. తను మంచి నటుడు. మానస్, విష్ణు ప్రియ చాలా బాగా డ్యాన్స్ చేశారు. “గంగులు” పాట అన్ని లాంగ్వేజ్ లలో బిగ్ హిట్ ఇవ్వాలని మనస్ఫూర్తిగా కోరుకుంటున్నాను.
