Laggam movie : సుభిషి ఎంటర్‌టైన్‌మెంట్స్ బ్యానర్‌పై వేణుగోపాల్ రెడ్డి నిర్మిస్తున్న సినిమా “లగ్గం” . రమేశ్ చెప్పాల రచన, దర్శకత్వం వహిస్తున్న ఈ చిత్రం పెళ్లి సంబరాన్ని, విందుని, చిందుని కళ్ళముందు ఉంచబోతోంది. పెళ్లి కల్చర్ నేపథ్యంలో రూపొందిన ఈ ఫ్యామిలీ డ్రామా ప్రతి ఒక్కరినీ ఆకట్టుకునేలా ఉంటుందని, కొత్త అనుభూతిని అందిస్తుందని దర్శకుడు రమేశ్ చెప్పాల తెలిపారు.
ఇటీవల షూటింగ్ పూర్తి చేసుకున్న ఈ చిత్రం డబ్బింగ్ కార్యక్రమాలు ఇటీవల ప్రసాద్ ల్యాబ్ లో ప్రారంభమయ్యాయి. నటకిరీటి రాజేంద్రప్రసాద్ చేతుల మీదుగా ప్రారంభమైన ఈ కార్యక్రమంలో సాయి రోనక్ తో పాటు చిత్ర యూనిట్ సభ్యులు పాల్గొన్నారు. రోహిణి, ఎల్.బి శ్రీరామ్ తదితరులు నటించిన ఈ చిత్రానికి చరణ్ అర్జున్ సంగీతం అందిస్తున్నారు. “లగ్గం” చిత్రం త్వరలోనే ప్రేక్షకుల ముందుకు రానుంది.
