Krithishetty : టాలీవుడ్ లో ఒక్క సినిమాతోనే స్టార్‌డం అందుకున్న కొద్దిమంది నటీమణులలో కృతి శెట్టి ఒకరు. తొలిచిత్రం ఉప్పెన లో తన అభినయంతో ప్రేక్షకులను అలరించింది. ‘బేబమ్మ’ పాత్రతో కుర్రకారును విపరీతంగా ఆకట్టుకుంది. ఉప్పెన చిత్రం వంద కోట్ల క్లబ్‌లోకి అడుగు పెట్టినప్పటి నుంచి.. కృతి శెట్టికి ఆఫర్ల వరద పారింది. తొలి సినిమా విజయంతో ఆమె చేసిన మొదటి రెండు మూడు సినిమాలు కూడా మంచి విజయాన్ని అందుకోవడంతో ఆమె కెరీర్‌కు మంచి శుభారంభం లభించింది.
అయితే, తర్వాత చేసిన సినిమాలు అనుకున్నంతగా ఆకట్టుకోకపోవడంతో ఆమె కెరీర్‌లో కొంత మందగమనం ఏర్పడింది. వరుస ఫ్లాపులతో టాలీవుడ్ నుండి కొంత దూరం పోయినప్పటికీ, కృతి శెట్టి తన అదృష్టాన్ని మలయాళం. తమిళ ఇండస్ట్రీస్ లో వెతికింది. మలయాళంలో ‘ఏఆర్‌ఎం’ సినిమాతో మంచి విజయాన్ని అందుకున్న ఆమె, ప్రస్తుతం తమిళంలో మూడు ప్రతిష్టాత్మకమైన సినిమాలలో నటిస్తోంది. ప్రదీప్ రంగనాథ్, జయం రవి వంటి నటులతో కలిసి నటిస్తున్న ఈ సినిమాలు ఆమె కెరీర్‌కు మరో మలుపునివ్వగలవని అంచనా.
ఉప్పెన సినిమాలోని ‘బేబమ్మ’ పాత్ర ఆమెకు స్టార్‌డంను మాత్రమే కాకుండా, చిన్న వయసులోనే పెద్ద బాధ్యతను కూడా అప్పగించింది. ఈ పాత్ర ఆమె కెరీర్‌ను నిర్ణయించే కీలక పాత్ర పోషించింది. అయితే, తర్వాత చేసిన సినిమా ఎంపికలో కొంత జాగ్రత్త వహించకపోవడం, మరియు ఇతర కారణాల వల్ల ఆమె టాలీవుడ్‌లో కొంత కాలం పాటు నిలకడగా కనిపించలేదు. ప్రస్తుతం తమిళంలో చేస్తున్న సినిమాలు ఆమె కెరీర్‌ను మరో మలుపు తిప్పగలవని ఆశిస్తున్నారు. ఈ సినిమాల విజయం ఆధారంగానే ఆమె భవిష్యత్తు కెరీర్‌ నిర్ణయించబడుతుంది. తమిళంలో విజయం సాధించినట్లయితే, టాలీవుడ్ ఫిల్మ్ మేకర్స్ ఆమెను మళ్లీ ఆహ్వానించే అవకాశం ఉంది. కృతి శెట్టి ఇప్పటికే తన ప్రతిభను చూపించింది. తమిళంలో చేస్తున్న సినిమాలు ఆమెకు మంచి అవకాశాలను అందిస్తాయని ఆశిద్దాం.
