Krithi sanon : బాలీవుడ్ హీరోయిన్ కృతి సనన్ లీడ్ రోల్ లో అందరూ ఎంతో ఆసక్తిగా ఎదురు చూస్తున్న చిత్రం “మీనా కుమారి” బయోపిక్. ఈ చిత్రంలో కృతిసనన్ .. నటి మీనా కుమారి పాత్రలో నటిస్తున్నారు. ఈ చిత్రాన్ని ఫ్యాషన్ డిజైనర్ మనీష్ మల్హోత్రా దర్శకత్వం వహిస్తున్నారు. “బైజు బావ్రా”, “పాకీజా” వంటి చిత్రాలతో అందరి మనసుల్లో చెరగని ముద్ర వేసిన మీనా కుమారి జీవితకథ ఆధారంగా ఈ చిత్రం తెరకెక్కుతోంది.
అక్టోబర్ లో ప్రారంభం కావాల్సిన ఈ చిత్రం షూటింగ్ ఇప్పుడు మరోసారి వాయిదా పడింది. స్క్రిప్ట్ పని ఇంకా పూర్తికాలేదు కాబట్టే షూటింగ్ వాయిదా పడినట్లు తెలుస్తోంది. మరింత ఆసక్తికరంగా, ఖచ్చితంగా ప్రేక్షకులను మెప్పించేలా కథను సిద్ధం చేయడానికి చిత్రబృందం కష్టపడుతోంది.
2025 మొదటి ప్రథమార్ధంలో చిత్రీకరణ ప్రారంభించడానికి సన్నాహాలు జరుగుతున్నాయి. మీనా కుమారి జీవితంలో ఎన్నో తెలియని కోణాలు ఉన్నాయి. ఈ బయోపిక్ ద్వారా ఆమె జీవితం గురించి ప్రేక్షకులకు తెలుసుకోవడానికి ఒక అవకాశం లభిస్తుంది.
