గుంటూరు టాకీస్, ఆరెంజ్, ఐస్ క్రీమ్ 2, దాగుడుమూతల దండాకోర్’ లాంటి చిత్రాలతో నటుడిగా మంచి గుర్తింపు తెచ్చుకున్నాడు సిద్ధూ జొన్నలగడ్డ. తాజాగా ఇతగాడు హీరోగా రానున్న చిత్రం ‘కృష్ణ అండ్ హిజ్ లీల’. ‘క్షణం’ ఫేమ్ రవికాంత్ పేరెపు దర్శకత్వం వహిస్తోన్న రెండో చిత్రం ఇదే కావడం విశేషం. శ్రద్ధా శ్రీనాథ్ ప్రథాన కథానాయికగా నటిస్తోన్న ఈ సినిమాలో సీరత్ కపూర్ , షాలినీ ఇతర ముఖ్యపాత్రలు పోషిస్తున్నారు. సురేశ్ ప్రొడక్షన్స్ , వయాకామ్ 18 మోషన్ పిక్చర్స్ సంయుక్త నిర్మాణంలో తెరకెక్కుతోన్న ఈ సినిమా అతి త్వరలోనే విడుదల కానుంది. ఈ నేపథ్యంలో ఈ సినిమాకు సంబంధించిన ట్రైలర్ ను విడుదల చేశారు మేకర్స్ .
సత్య . మై ఫస్ట్ లవ్ అంటూ.. విడుదలైన ‘కృష్ణ అండ్ హిజ్ లీల’ ట్రైలర్ లో .. హీరో సిద్ధూ ఫస్ట్ లవ్ అయిన శ్రద్ధా శ్రీనాథ్ పరిచయం.. ఆమెను ప్రేమలో దించడం.. ఆమెతో తెగదెంపులు చేసుకోవడం .. మొదలైన సన్నివేశాలతో ఈ ట్రైలర్ నిండిపోయింది. యూత్ ఫుల్ లవ్ స్టోరీ కావడం.. న్యూజెన్ థాట్ తో తెరకెక్కిన సినిమా అవడం వల్లనో ఏమో కానీ.. ఈ ట్రైలర్ చివరలో ఒక బూతు మాట కూడా వినిపించింది. ప్రస్తుతం ఈ ట్రైలర్ సోషల్ మీడియాలో వైరల్ గా మారింది. మరి సిద్ధూ , శ్రద్ధా శ్రీనాథ్ ఈ సినిమాతో ఏ రేంజ్ హిట్టందుకుంటారో చూడాలి.
ట్రైలర్ వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=bjNG1zAfVUc&feature=youtu.be
