Kodiburra movie : రోజాపూలు ఫేమ్ శ్రీరామ్ హీరోగా నటిస్తున్న తాజా చిత్రం ‘కోడి బుర్ర’. ‘అల్లుకున్న కథ’ అనే ఉపశీర్షికతో రాబోతున్న ఈ చిత్రం ప్రేక్షకుల్లో ఆసక్తిని రేకెత్తిస్తోంది. వీ4 క్రియేషన్స్ బ్యానర్‌పై తెరకెక్కుతున్న ఈ చిత్రాన్ని కంచర్ల సత్యనారాయణరెడ్డి, గట్టు విజయ్ గౌడ్, చిన్ని చందు, వట్టం రాఘవేంద్ర, సముద్రాల మహేశ్ గౌడ్ సంయుక్తంగా నిర్మిస్తున్నారు. చంద్రశేఖర్ కానూరి దర్శకత్వం వహిస్తున్న ఈ చిత్రంలో శృతి మీనన్, ఆరుషి హీరోయిన్లుగా నటిస్తున్నారు.
ప్రస్తుతం సినిమా చిత్రీకరణ జరుపుకుంటున్న దశలో ఉంది. ప్రత్యేకంగా, సినిమా క్లైమాక్స్ సన్నివేశాల చిత్రీకరణ జరుగుతోంది. ఈ భారీ యాక్షన్ సన్నివేశాలు సినిమాకు ప్రధాన ఆకర్షణగా నిలవనున్నాయని చిత్రబృందం తెలిపింది. ఈ సన్నివేశాల చిత్రీకరణ సినిమాను మరో మెట్టు ఎక్కించిందని చెప్పవచ్చు.
సినిమా చిత్రీకరణ శరవేగంగా సాగుతుందని, ప్రస్తుతం భారీ క్లైమాక్స్ సన్నివేశాలను రూపొందిస్తున్నామని తెలిపారు. హీరో శ్రీరామ్, ప్రొడ్యూసర్స్ తనకు ఎంతో సహకారం అందిస్తున్నారని దర్శకుడు చంద్రశేఖర్ కానూరి చెప్పారు.
‘కోడి బుర్ర’ సినిమాలో నటించడం ఎంతో సంతోషంగా ఉందని తెలిపారు. ప్రస్తుతం క్లైమాక్స్ సన్నివేశాల చిత్రీకరణ జరుగుతోందని, ఈ సినిమా యాక్షన్ థ్రిల్లర్‌గా ప్రేక్షకులను అలరిస్తుందని చెప్పారు హీరో శ్రీరామ్.
సినిమాలో తనకు కీలక పాత్ర లభించిందని, హీరో శ్రీరామ్, దర్శకుడు, నిర్మాతలు తనకు ఎంతో సహకారం అందిస్తున్నారని హీరోయిన్ ఆరుషి తెలిపారు.
వీ4 క్రియేషన్స్ బ్యానర్‌పై నలుగురు కలిసి ఈ చిత్రాన్ని నిర్మిస్తున్నామని, శ్రీరామ్ హీరోగా నటించడం ఆనందంగా ఉందని తెలిపారు. ఈ సినిమాను చాలా రిచ్‌గా తెరకెక్కిస్తున్నామని నిర్మాత వట్టం రాఘవేంద్ర చెప్పారు.
సినిమా చిత్రీకరణ చాలా త్వరగా జరుగుతుందని, ప్రస్తుతం క్లైమాక్స్ సన్నివేశాల చిత్రీకరణ జరుగుతోందని తెలిపారు నిర్మాత గట్టు విజయ్
ప్రేక్షకులకు దసరా శుభాకాంక్షలు తెలిపిన నిర్మాత, సినిమా చిత్రీకరణ శరవేగంగా సాగుతుందని, తనకు ఇష్టమైన హీరో శ్రీరామ్‌తో కలిసి సినిమా నిర్మించడం ఆనందంగా ఉందని నిర్మాత కంచర్ల సత్యనారాయణరెడ్డి తెలిపారు. మరి కోడిబుర్ర చిత్రం శ్రీరామ్ కు ఏ రేంజ్ లో పేరు తెచ్చిపెడుతుందో చూడాలి.
