Kiran Abbavaram : టాలీవుడ్ లో తనకంటూ ఒక ప్రత్యేకమైన గుర్తింపు సంపాదించుకున్న యువ హీరో కిరణ్ అబ్బవరం. ఇప్పుడు తన కొత్త చిత్రం ‘క’ తో మరోసారి ప్రేక్షకులను అలరించడానికి సిద్ధమవుతున్నాడు. ‘రాజావారు రాణిగారు’, యస్.ఆర్. కళ్యాణ మండపం, మీటర్, ‘రూల్స్ రంజన్’ లాంటి సినిమాలతో ప్రేక్షకులను అలరించిన కిరణ్, తన కొత్త సినిమా ‘క’తో తెలుగు చిత్రసీమలో కొత్త ఒరవడికి శ్రీకారం చుట్టబోతున్నాడు. ఈ సినిమా పాన్ ఇండియా రేంజ్ లో బహుభాషల్లో విడుదల కాబోతోంది.
‘క’ చిత్రంలో కిరణ్ అబ్బవరం పూర్తిగా డిఫరెంట్ లుక్‌లో కనిపించనున్నాడు. ఒక కత్తి పట్టుకుని ఉన్న కిరణ్ చాలా ఇంటెన్స్‌గా, మాస్ అప్పీల్‌తో కనిపిస్తున్నాడు. ఈ పోస్టర్ ద్వారా సినిమాలో ఉత్కంఠభరిత యాక్షన్ సన్నివేశాలు ఉండబోతున్నాయని స్పష్టమవుతోంది.
‘క’ యాక్షన్ పీరియడ్ డ్రామాగా రూపొందింది. ఈ సినిమా ఈ నెల 31న, దీపావళి పండుగ సందర్భంగా ప్రపంచవ్యాప్తంగా గ్రాండ్‌గా రిలీజ్ చేయబోతున్నట్టు మేకర్స్ ప్రకటించారు. దీపావళికి మాస్ ఎంటర్‌టైనర్‌గా ఈ సినిమా ప్రేక్షకులను అలరించేందుకు సిద్ధమవుతోంది. కిరణ్ అబ్బవరానికి జోడీగా నయన్సారిక నటిస్తోంది. ఈ సినిమాకు సామ్ సి.ఎస్ సంగీతం అందించగా, విశ్వాస్ డేనియల్ మరియు సతీష్ రెడ్డి సినిమాటోగ్రఫీ బాధ్యతలు చేపట్టారు.
‘క’ చిత్రంలోని యాక్షన్ సన్నివేశాలు, కథ, సంగీతం – అన్నీ కిరణ్ కెరీర్‌లో మరో మైలురాయిగా నిలిచేలా ఉన్నాయని టాలీవుడ్ వర్గాలు చెబుతున్నాయి. ఈ చిత్రం కిరణ్ అబ్బవరం కెరీర్‌లో కొత్త చాప్టర్ ఆరంభమవుతుందని అభిమానులు నమ్ముతున్నారు. ఇప్పటికే సినిమాకు సంబంధించిన బిజినెస్ డీల్స్ కూడా గట్టిగానే సెట్టయ్యాయి. గతంలో ఎప్పుడూ లేనంత రేంజ్ లో కిరణ్ సినిమాకు బిజినెస్ జరిగింది. ఈ దీపావళికి ప్రేక్షకులకు పవర్‌ఫుల్ యాక్షన్ ఎంటర్‌టైనర్‌ను అందించడమే లక్ష్యంగా చిత్ర యూనిట్ పని చేస్తోంది. ప్రీ రిలీజ్ హైప్ చూస్తుంటే సినిమా బాక్సాఫీస్ వద్ద భారీ విజయాన్ని సాధించే అవకాశాలు కూడా కనిపిస్తున్నాయి.
