Kill movie: కరణ్ జోహార్ నిర్మాణంలో, నికిల్ నగేష్ భట్ దర్శకత్వం వహించిన “కిల్” చిత్రం ఇంకా విడుదల కాకుండానే హాలీవుడ్‌కు దూసుకువెళ్తోంది. లక్ష్య్ హీరోగా నటించిన ఈ యాక్షన్ థ్రిల్లర్ టొరంటో, ట్రిబెకా వంటి అంతర్జాతీయ చిత్రోత్సవాలలో ప్రదర్శించబడి, విమర్శకుల ప్రశంసలు అందుకుంది. ఈ నేపథ్యంలో, 87 11 ఎంటర్‌టైన్‌మెంట్ – లయన్స్‌గేట్ సంయుక్త నిర్మాణ సంస్థలు దీన్ని హాలీవుడ్‌లో రీమేక్ చేయడానికి ముందుకు వచ్చాయి.
“జాన్ విక్” ఫ్రాంచైజీతో గుర్తింపు తెచ్చుకున్న ఈ సంస్థలు, “కిల్” చిత్రాన్ని భారీ బడ్జెట్‌తో రీమేక్ చేయాలని భావిస్తున్నాయి. సైనికాధికారి అమ్రిత్ తన ప్రియురాలిని కాపాడటానికి ప్రత్యర్థులతో పోరాడే కథాంశంతో ఈ చిత్రం రూపొందించబడింది. దర్శకుడు నికిల్ నగేష్ భట్, భారతీయ తెరపై ఇంతకు ముందు ఎన్నడూ చూడని యాక్షన్ సన్నివేశాలు ఈ చిత్రంలో ఉన్నాయని ధీమాగా చెప్పారు. “కిల్” హాలీవుడ్ రీమేక్ ఎప్పుడు ప్రారంభమవుతుందో, ఎవరు నటిస్తారో ఇంకా తెలియదు. కానీ, ఈ చిత్రం భారతీయ సినిమాకు గ్లోబల్ గుర్తింపు తెచ్చిపెడుతుందని అందరూ ఆశిస్తున్నారు. ఈ నెల 5వ తేదీన ఈ సినిమా హిందీ వెర్షన్ విడుదల కాబోతోంది.
