తండ్రి సీనియర్ నటుడు … అన్న స్టైలిష్ హీరో .. వదినమ్మ అల్టిమేట్ నటీమణి. అందుకే వారందరికన్నా తాను వైవిధ్యంగా ఉండాలని తపించాడు. కెరీర్ బిగినింగ్ నుంచీ కొత్తగా చేయాలనే తాపత్రయం అతడ్ని వెంటాడి వేధించేది. దాని ఫలితంగా కోలీవుడ్ లో అతడికో సెపరేట్ ఫ్యాన్స్ బేస్ క్రియేట్ అయింది. అతడు.. కోలీవుడ్ సిరుతై.. బ్రదరాఫ్ సింగం. పేరు కార్తి. అన్న సూర్య స్టార్ హీరో అయితే.. తాను కూడా అదే స్థాయిలో స్టార్ డమ్ తెచ్చుకోవాలని తెగ కష్టపడ్డాడు కార్తి. ఆ ప్రయత్నంలో ఎన్నో పరాజయాలు చవిచూసినా.. ఎప్పటికప్పుడు తన ప్రత్యేకతను చాటుకుంటూ వస్తున్నాడు.
మణిరత్నం ఆయుత్త ఎళుత్తు(యువ) చిత్రంలోని చిన్నపాత్రతో తెరంగేట్రం చేసిన కార్తి .. ఆ తర్వాత ‘పరుత్తి వీరన్’ చిత్రంతో హీరో గా ఎంట్రీ ఇచ్చి.. మంచి పేరు తెచ్చుకున్నాడు. ఆరంభంలోనే వరుస విజయాలను చవిచూసిన కార్తీ చిత్రాలు తెలుగువారినీ విశేషంగా అలరించాయి… దాంతో తెలుగునాట తనకంటూ ఓ మార్కెట్ ఏర్పరచుకున్నాడు కార్తీ… ఇప్పుడు ఆ క్రేజ్ తోనే తెలుగు, తమిళ భాషల్లో రూపొందిన ప్రతీ చిత్రం తెలుగు లోనూ విడుదలై.. ఇక్కడ కూడా మంచి విజయం సాధించాయి. ఆవారా, కాష్మొరా, ఖాకీ, ఖైదీ లాంటి చిత్రాలు .. కార్తి కీర్తిని ఎన్నో రెట్లు పెంచాయి. అలాగే.. నాగార్జునతో ఊపిరి సినిమాలో నటించి మంచి పేరు తెచ్చుకున్నాడు. దాంతో తెలుగులో స్ట్రైట్ సినిమా చేయాలనే కోరికను అలా నెరవేర్చుకున్నాడు. ప్రస్తుతం సుల్తాన్, పొన్నియన్ సెల్వన్ చిత్రాల్లో నటిస్తోన్న కార్తి పుట్టినరోజు నేడు. ఈ సందర్బంగా అతడికి శుభాకాంక్షలు తెలుపుతోంది మూవీ వాల్యూమ్.
హ్యాపీ బర్త్ డే కార్తి.
