Kanthara chapter 1 : కన్నడ స్టార్ రిషబ్ శెట్టి నటించి, దర్శకత్వం వహిస్తున్న కాంతార: చాప్టర్ 1 చిత్రం ప్రేక్షకుల్లో ఎంతగానో ఆసక్తిని రేకెత్తిస్తోంది. ‘కాంతార’ చిత్రానికి ప్రీక్వెల్‌గా రూపొందుతున్న ఈ సినిమా, హోంబలే ఫిల్మ్స్ బ్యానర్‌పై వైభవంగా తెరకెక్కుతోంది. కదంబ యుగం నేపథ్యంలో సాగే ఆసక్తికర కథాంశంతో ఈ చిత్రం రూపొందుతోంది. రిషబ్ శెట్టి ఈ చిత్రంలో మునుపెన్నడూ చూడని విధంగా విభిన్నమైన లుక్‌లో కనువిందు చేయనున్నారు.
రిషబ్ శెట్టి తండ్రి పాత్రలో మలయాళ స్టార్ మోహన్‌లాల్ కనిపించనున్నట్లు వార్తలు వస్తున్నాయి. చిత్రీకరణ జోరుగా సాగుతున్న ఈ చిత్రం, వచ్చే ఏడాది ఆగస్టులో ప్రేక్షకుల ముందుకు రానుంది. ప్రస్తుతం కుందాపురలో సిద్ధం చేసిన సెట్స్‌లో చిత్రీకరణ జరుగుతోంది. ఇప్పటికే 30 శాతం చిత్రీకరణ పూర్తయిందని చిత్ర నిర్మాత విజయ్‌ కిరగందూర్‌ తెలిపారు. ఈ చిత్రానికి అజనీష్‌ లోక్‌నాథ్‌ సంగీత దర్శకుడిగా వ్యవహరిస్తున్నారు. “కాంతార: చాప్టర్ 1 చాలా బాగా వస్తోంది. ప్రేక్షకులు ఈ చిత్రాన్ని ఆదరిస్తారని నాకు పూర్తి విశ్వాసం ఉంది.” అని తెలిపారు.
