Kanguva : ‘కంగువ’ సినిమాతో ప్రేక్షకులను అలరించడానికి సిద్ధమవుతున్న సూర్య, తన తదుపరి చిత్రాల చిత్రీకరణలో కూడా బిజీగా ఉన్నారు. ప్రముఖ దర్శకుడు కార్తీక్ సుబ్బరాజు దర్శకత్వంలో సూర్య నటిస్తున్న సినిమాలో పూజా హెగ్డే కథానాయికగా నటిస్తోంది. ఈ సినిమాలో ప్రేమ, యుద్ధం నేపథ్యంలో సాగే కథను చూడబోతున్నాం.
తాజా సమాచారం ప్రకారం.. ఈ సినిమాలోని ఒక ప్రత్యేక గీతంలో ప్రముఖ నటి శ్రియ సూర్యతో కలిసి నటించనున్నారు. ఊటీలో ఈ పాట చిత్రీకరణను ఇప్పటికే పూర్తి చేసినట్లు తెలుస్తోంది. ఈ పాట ఈ సినిమాకు ప్రధాన ఆకర్షణగా ఉండనుంది. సూర్య అండ్ శ్రియ కలిసి తెరపై కనిపించడం ఇది మొదటిసారి కాకపోయినా, ఈ కొత్త కాంబినేషన్‌లో వీరిద్దరి కెమిస్ట్రీ ఎలా ఉంటుందో చూడటానికి ప్రేక్షకులు ఆసక్తిగా ఎదురు చూస్తున్నారు. కార్తీక్ సుబ్బరాజు దర్శకత్వంలో వస్తున్న ఈ సినిమా ప్రేక్షకులను అలరించడమే కాకుండా, సూర్య కెరీర్‌లో మరో మైలురాయిగా నిలవడం ఖాయమని చెప్పుకుంటున్నారు.
