Kalki 2898 AD : ప్రభాస్ హీరోగా నటించిన సైన్స్ ఫిక్షన్ థ్రిల్లర్ ‘కల్కి 2898 ఏడీ’ జూన్ 27న ప్రేక్షకుల ముందుకు రానుంది. ఓవర్సీస్‌లో ఈ సినిమా జూన్ 26నే విడుదల కానున్న విషయం తెలిసిందే. ఇప్పటికే అక్కడ అడ్వాన్స్ బుకింగ్స్ షురూ అయ్యాయి, టికెట్లు హాట్ కేకుల్లా అమ్ముడవుతున్నాయి. విదేశాల్లో 124 థియేటర్లలో ఈ చిత్రం విడుదల కానుండగా, ఇప్పటివరకు 116 థియేటర్లలో అడ్వాన్స్ బుకింగ్స్ ఓపెన్ అయ్యాయి. ఒక్కరోజులోనే 4933 టికెట్లు అమ్ముడయ్యాయి. ఈ సంఖ్య త్వరలోనే పెరగనుందని సినిమా యూనిట్ తెలిపింది.
ఈ చిత్రంలో అమితాబ్ బచ్చన్ అశ్వత్థామ పాత్రలో నటిస్తున్నారు. ఆయన తన బ్లాగ్‌లో ఓ అప్‌డేట్ షేర్ చేసి అభిమానుల్లో జోష్ నింపారు. “మరో బిజీ డే. నా అప్‌కమింగ్ సినిమాలోని పాటకు సంబంధించిన పనుల్లో బిజీగా ఉన్నాను. త్వరలోనే అది మీ ముందుకు రానుంది” అని ఆయన రాశారు. దీంతో, ‘కల్కి’ పోస్ట్ ప్రొడక్షన్ పనులు జరుగుతున్నాయని అభిమానులు భావిస్తున్నారు.
ఈ సందర్భంగా చిత్రబృందం కూడా ఒక కొత్త పోస్టర్‌ను విడుదల చేసింది. అందులో అమితాబ్ బచ్చన్ లుక్ చాలా పవర్‌ఫుల్‌గా ఉంది. జూన్ 10న ఈ చిత్ర ట్రైలర్ రిలీజ్ కానుందని పోస్టర్‌లో తెలిపారు.దీపిక పదుకొణె కథానాయికగా నటిస్తున్న ఈ చిత్రంలో కమల్ హాసన్ విలన్‌ పాత్రలో నటిస్తున్నారు. పశుపతి, దిశా పటానీ కీలక పాత్రల్లో నటిస్తున్నారు. నాగ్ అశ్విన్ దర్శకత్వం వహిస్తున్న ఈ చిత్రాన్ని వైజయంత్‌ మూవీస్, ధర్మ ప్రొడక్షన్స్ సంయుక్తంగా నిర్మిస్తున్నాయి.
