చంద్రజ ఆర్ట్‌ క్రియేషన్స్‌ బ్యానర్‌పై బిగ్‌బాస్‌ ఫేమ్‌ భానుశ్రీ, సోనాక్షి వర్మ, అనురాగ్‌ కీలక పాత్రల్లో నటించిన చిత్రం ‘కలశ’. కొండ రాంబాబు దర్శకత్వంలో రూపొందిన ఈ చిత్రాన్ని డాక్టర్‌ శ్రీమతి రాజేశ్వరి చంద్రజ వాడవల్లి నిర్మించారు. షూటింగ్‌ కార్యక్రమాలు పూర్తి చేసుకొని రిలీజ్‌కు రెడీ అయ్యింది. ఈ సందర్భంగా ఈ సినిమా టీజర్‌ ఆవిష్కరణ వేడుక ప్రసాద్‌ ల్యాబ్‌లో ఘనంగా జరిగింది. ‘కలశ’ టీజర్‌ను భీమ్లా నాయక్‌ డైరెక్టర్‌ సాగర్‌ చంద్ర ఆవిష్కరించారు. బ్యానర్‌ లోగోను వి.ఎన్‌. ఆదిత్య లాంచ్‌ చేయగా, టైటిల్‌ లోగోను యాట సత్యన్నారాయణ, మోషన్‌పోస్టర్‌ను వీరశంకర్‌లు లాంచ్‌ చేశారు. అనంతరం సాంగ్‌ను వి.ఎన్‌. ఆదిత్య, వీరశంకర్‌, సాగర్‌చంద్ర, యాట సత్యన్నారాయణ ఉమ్మడిగా విడుదల లాంచ్‌ చేశారు.
