Kajal and Payal : ఈ వారాంతం థియేటర్లలో ఊహించని సినిమాలు విడుదలవుతున్నాయి. వాటిలో శర్వానంద్ నటించిన ‘మనమే’ అందరి దృష్టిని ఆకర్షిస్తోంది. మిగిలిన చిత్రాలకు కూడా మంచి బజ్ నడుస్తోంది. వాటిలో రెండు క్రైమ్ థ్రిల్లర్స్. ఈ సినిమాల్లో ఇద్దరు హీరోయిన్లు పోలీస్ ఆఫీసర్లుగా నటిస్తున్నారు. స్టార్ నటి కాజల్ అగర్వాల్ ‘సత్యభామ’ సినిమాలో పవర్‌ఫుల్ పోలీస్ ఆఫీసర్ గా నటిస్తున్నారు. ట్రైలర్‌లో ఆమె అదిరిపోయే స్టంట్స్ చేస్తున్నట్లు కనిపిస్తోంది. ‘మేజర్’ డైరెక్టర్ శశి కిరణ్ తిక్కా ఈ సినిమాకి నిర్మాత, రచయితగా వ్యవహరించడం సినిమాకు మరింత ప్లస్ పాయింట్.
ఇది మర్డర్ కేసు చుట్టూ తిరిగే కథ. పవర్‌ఫుల్ పోలీస్ పాత్రలో కాజల్‌ని చూడాలని ప్రేక్షకులు ఎంతో ఆసక్తిగా ఉన్నారు. మరోవైపు, పాయల్ రాజ్‌పుత్ మరో మర్డర్ మిస్టరీ ‘రక్షణ’తో వస్తున్నారు. ‘RX100’ బ్యూటీ కూడా పోలీస్ యూనిఫాం ధరించారు. ఈ సినిమా చాలా కాలం క్రితం తెరకెక్కింది . పాయల్, నిర్మాత మధ్య వివాదాలు చోటుచేసుకున్నాయి. మొత్తానికి జూన్ 7న సినిమాను విడుదల చేయాలని నిర్ణయించుకున్నారు. ‘మంగళవారం’ వంటి హిట్ తర్వాత పాయల్ నటిస్తున్న చిత్రం ఇదే అవడం విశేషం.
పదేళ్లకు పైగా గ్లామరస్ పాత్రలు పోషించిన కాజల్ అగర్వాల్ ఫీమేల్ ఓరియెంటెడ్ పాత్రలో నటిస్తున్నారు. ఆమె పోలీస్ ఆఫీసర్‌గా యాక్సన్ కూడా చేశారు. మరోవైపు, పాయల్ ఘాటు పాత్రలకు పేరుగాంచింది కానీ ఈ సారి మాత్రం పాత్రలో నటించారు. ఈ ఇద్దరు లేడీ పోలీసుల్లో ఎవరు విజేతగా నిలుస్తారో అని ప్రేక్షకులు ఆసక్తిగా ఉన్నారు.
