టాలీవుడ్‌ స్టార్‌ హీరోయిన్‌ కాజల్.. పీక్‌ రేంజ్‌లో ఉండగానే పెళ్లి చేసుకుని తల్లిగా కూడా ప్రమోట్‌ అయ్యింది. తెరపై కాజల్ కనపడి చాలా కాలమే అయ్యింది. ఎప్పుడెప్పుడు కాజల్ దర్శనమిస్తుందా అని ఎదురు చూస్తున్న ప్రేక్షకులకు సూపర్బ్‌ థ్రిల్‌ ఇవ్వబోతుంది. ఘోస్టీ సినిమాతో పెళ్లి తర్వాత కాజల్ ఎంట్రీ ఇవ్వబోతుంది. ఒకప్పుడు హర్రర్‌ థ్రిల్లర్స్‌ అంటే ఆడియెన్స్‌ను సీట్‌ ఎడ్జ్‌లో కూర్చోబెట్టి భయపెట్టేవి. కానీ ఇప్పుడు భయపెడుతూనే నవ్విస్తున్నాయి. అలాంటి సినిమానే ఘోస్టీ. ఈ సినిమాలో కాజల్ డ్యూయెల్ రోల్ చేసింది. హీరోయిన్‌గా, పోలీసాఫీసర్‌ గా రెండు పాత్రల్లో వైవిధ్యమైన నటనతో ఆకట్టుకోబోతుంది కాజల్. ఇందులో రాధికా శరత్‌కుమార్‌, కోలీవుడ్‌ యాక్టర్‌ యోగిబాబు కీలక పాత్రలు పోషించారు. ఆత్మలకు కాజల్‌కు సంబంధం ఏంటనేది ఈ సినిమా ప్రధాన కథాంశం. సామ్‌ పిఎస్‌ ఈ చిత్రానికి అద్భుతమైన సంగీతం అందించారంటున్నారు చిత్ర టీమ్‌. కామెడీ మిక్స్‌డ్‌ హర్రర్‌ థ్రిల్లర్‌ ను కళ్యాణ్‌ దర్శకత్వంలో గంగ ఎంటర్‌టైన్‌మెంట్స్‌ బ్యానర్‌ నిర్మిస్తోంది.
త్వరలో ‘ఘోస్టీ’ తెలుగు ట్రైలర్ విడుదల చేయనున్నారు. ఈ సినిమాలో షార్ట్ ఫిల్మ్ తీయాలనుకునే ఒత్సాహిక దర్శకుడిగా యోగిబాబు కనిపించనున్నారు. ఇందులో కె.ఎస్. రవికుమార్ గన్స్ డీల్ చేసే మాఫియా డాన్ పాత్రలో కనిపించనున్నారు. ఈ కథలోకి ఆత్మలు ఎలా వచ్చాయి? అనేది సినిమా చూసి తెలుసుకోవాలి. కె.ఎస్. రవికుమార్, రిడిన్ కింగ్ స్లే, తంగదొరై, జగన్, ఊర్వశి, సత్యన్, ఆడు కాలం నరేన్, మనోబాల, రాజేంద్రన్, సంతాన భారతి, దేవదర్శిని తదితరులు నటించారు.
