Janvi and Varun : గతేడాది ‘బవాల్’ సినిమాతో ప్రేక్షకులను అలరించిన వరుణ్ ధావన్ మరియు జాన్వీ కపూర్ జంట మరోసారి తెరపై కనిపించబోతున్నారు. శశాంక్ ఖైతాన్ దర్శకత్వంలో రూపొందుతున్న ‘సన్నీ సంస్కారికీ తులసి కుమారి’ అనే సినిమాతో ఈ జంట మరోసారి ప్రేక్షకులను అలరించడానికి సిద్ధమవుతున్నారు.
ఈ సినిమా ఒక స్వచ్ఛమైన ప్రేమ కథ నేపథ్యంలో సాగుతుంది. సన్నీ అనే యువకుడు తన ప్రియురాలు తులసి ప్రేమను గెలుచుకోవడానికి చేసిన ప్రయత్నాల చుట్టూ ఈ కథ తిరుగుతుంది. వరుణ్ ధావన్ సన్నీ పాత్రలోనూ, జాన్వీ కపూర్ తులసి పాత్రలోనూ కనిపించనున్నారు.
ఈ సినిమా మొదటి షెడ్యూల్ చిత్రీకరణ ఇప్పటికే పూర్తయింది. జాన్వీ కపూర్ ప్రస్తుతం ఎన్టీఆర్‌తో కలిసి నటించిన ‘దేవర’ సినిమాతో తెలుగు ప్రేక్షకులను అలరిస్తున్నారు. ‘సన్నీ సంస్కారికీ తులసి కుమారి’ సినిమా వరుణ్ ధావన్ మరియు జాన్వీ కపూర్ అభిమానులకు మరో విందు అవుతుందని భావిస్తున్నారు. ఈ సినిమా 2025 ఏప్రిల్ 18న విడుదల కానుంది.
