రాత్రి, భూత్, మఱ్ణిచెట్టు, డర్నామనా హై, డర్నా జరూరీ హై,దెయ్యం, వాస్తు శాస్త్ర ,భూత్ రిటర్న్స్ లాంటి హారర్ చిత్రాలతో రామ్ గోపాల్ వర్మ ప్రేక్షకుల్ని బాగా భయపెట్టిన సంగతి తెలిసిందే. కొంతకాలంగా హారర్ జోనర్ కు దూరంగా ఉన్న వర్మ.. ఈ కరోనా టైమ్ లో సడెన్ గా ‘12 ఓ క్లాక్’ అనే హారర్ థ్రిల్లర్ ను అనౌన్స్ చేయడమే కాకుండా.. ట్రైలర్ ను కూడా కట్ చేసి వదిలాడు. 1.47 నిముషాలు ఉన్న ఈ హారర్ ట్రైలర్ ఆద్యంతం వర్మ తరహా సీన్స్ తో భయానకంగా సాగింది.
‘ఎక్కడో సైన్స్ మరియు ఆత్మ మధ్య..’ ‘భయం లోతైనది..’ అంటూ మొదలైన ఈ ట్రైలర్ లో ఇంతకముందు ఆర్జీవీ హారర్ సినిమాలలో కనిపించే అమాంతం మనిషి ఎగరడం.. మెడ విరిచేయడం లాంటి సన్నివేశాలు ఇందులోనూ కనిపించాయి. ఇక ఈ హారర్ ట్రైలర్ కి డిఫెరెంట్ సౌండింగ్స్ తో కీరవాణి అందించిన నేపథ్య సంగీతం భయం కలిగించేలా ఉంది. ఇక ఈ చిత్రంలో మక్రాంద్ దేశ్ పాండే, మిథున్ చక్రవర్తి, మానవ్ కౌల్ దిలీప్, తహిల్ అలీ అజ్గర్, ఆశిష్ విద్యార్ధి , కృష్ణ గౌతమ్ ప్రధాన పాత్రలు పోషిస్తున్నారు. రామ్ గోపాల్ వర్మ దర్శకత్వంలో రానున్న ఈ 12 ‘ఓ’ క్లాక్ సినిమాని ఏ కంపెనీ ప్రొడక్షన్స్ బ్యానర్ పై నిర్మించారు. ఆర్జీవీ నుండి వచ్చిన ఈ హారర్ ట్రైలర్ ప్రస్తుతం సోషల్ మీడియాలో ట్రెండింగ్ లో ఉంది.
ట్రైలర్ వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=C-bvZYJUPOs&feature=youtu.be
