Honeymoon Express : చైతన్య రావ్, హెబ్బా పటేల్ జంటగా నటించిన “హనీమూన్ ఎక్స్‌ప్రెస్” సినిమా ప్రీ రిలీజ్ ఈవెంట్ లేటెస్ట్ గా హైదరాబాద్ లోని ప్రసాద్ ల్యాబ్స్ లో ఘనంగా జరిగింది. ఈ చిత్రాన్ని న్యూ రీల్ ఇండియా బ్యానర్ పై కేకేఆర్, బాలరాజ్ నిర్మించారు. ప్రయోగాత్మక ఫ్యూచరిస్టిక్ రొమాంటిక్ కామెడీ గా రూపొందిన ఈ సినిమాకు బాల రాజశేఖరుని దర్శకత్వం వహించారు. ఈ నెల 21న ఈ చిత్రం ప్రపంచవ్యాప్తంగా విడుదల కానుంది.
ఈ ప్రీ రిలీజ్ ఈవెంట్ లో నటుడు కేఎల్ ప్రసాద్, గాయకుడు దీపు తో పాటు చిత్ర బృందం పాల్గొన్నారు. “హనీమూన్ ఎక్స్‌ప్రెస్ సినిమా కంటెంట్ చాలా ఇన్నోవేటివ్ గా ఉంది. ఈతరం ప్రేక్షకులు బాగా ఇష్టపడే సినిమాలా ఉండబోతోంది. హీరో హీరోయిన్స్ చైతన్య రావ్, హెబ్బా పటేల్ కు, డైరెక్టర్ బాల కు ఆల్ ది బెస్ట్ ’ అని కెయల్ ప్రసాద్ అన్నారు. “హనీమూన్ ఎక్స్‌ప్రెస్ సినిమాలో పాట పాడే అవకాశం ఇచ్చిన సంగీత దర్శకుడు కల్యాణి మాలిక్ గారికి థాంక్స్. ఈ సినిమాలో సాంగ్స్ చాలా బాగుంటాయి. నేను ఈ మూవీలో పార్ట్ అయినందుకు సంతోషంగా ఉంది.” అని గాయకుడు దీపు అన్నారు.
