Pushpa 2 : ఐకాన్ స్టార్ అల్లు అర్జున్, బ్రిలియంట్ డైరెక్టర్ సుకుమార్ కాంబినేషన్‌లో వస్తున్న ‘పుష్ప: ద రూల్’ సినిమాపై అంచనాలు ఆకాశాన్నంటాయి. పాన్ ఇండియా లెవెల్‌లో విడుదల కానున్న ఈ సినిమా, తొలి భాగం సృష్టించిన సంచలనాన్ని మించి.. కొత్త రికార్డులను సృష్టించేందుకు సిద్ధమవుతోంది. ఇప్పటికే ఈ సినిమాపై భారీ అంచనాలు నెలకొన్నాయి.
మూడేళ్ల పాటు కొనసాగిన ఈ సినిమా షూటింగ్ చివరి దశకు చేరుకుంది. త్వరలోనే చిత్రీకరణ పనులు పూర్తి చేసి, రిలీజ్‌కు సిద్ధం చేయాలని చిత్ర యూనిట్ భావిస్తోంది. సినిమా రిలీజ్‌కు ఇంకా కొంత సమయం ఉండగానే, థియేట్రికల్ రైట్స్ అమ్మకం ద్వారా భారీ మొత్తాన్ని కైవసం చేసుకుంటోంది. ఇప్పటికే ఎన్నడూ జరగని రీతిలో ఈ సినిమా రైట్స్ అమ్ముడుపోతున్నాయి. రెండు తెలుగు రాష్ట్రాల హక్కులు భారీ ధరకు అమ్ముడవుతున్నాయి.
ప్రముఖ నిర్మాణ సంస్థ మైత్రీ మూవీ మేకర్స్ నైజాం హక్కులను తమ వద్దే ఉంచుకున్నారు. ఆంధ్ర హక్కులు రూ.90 కోట్లకు విక్రయించినట్లు తెలుస్తోంది. ఉత్తరాంధ్ర హక్కులు రూ.23 కోట్లకు, సీడెడ్ రీజన్ హక్కులు రూ.30 కోట్లకు అమ్ముడయ్యాయి. బాహుబలి, ఆర్ఆర్ఆర్‌ ను డిస్ట్రిబ్యూట్ చేసిన సాయి కొర్రపాటి ఈ రైట్స్‌ను సొంతం చేసుకున్నారు.
అల్లు అర్జున్ సన్నిహితుడు బన్నీ వాస్ కృష్ణా జిల్లాలో డిస్ట్రిబ్యూషన్ చేస్తున్నారు. యూవీ క్రియేషన్స్ వంశీ ఈ జిల్లా హక్కులను దక్కించుకున్నారు. పుష్ప-2 సినిమా ఫుల్ రన్‌లో రూ.1000 కోట్ల వసూలు చేయాలని చిత్ర యూనిట్ లక్ష్యంగా పెట్టుకుంది. ఇప్పటికే ఉన్న రికార్డులను బద్దలు కొట్టి, కొత్త చరిత్ర సృష్టించాలని భావిస్తోంది.
