Tollywood : సహస్ర ఎంటర్టైన్మెంట్స్ బ్యానర్‌పై నిర్మితమవుతున్న చిత్రం ‘హైడ్ ఎన్ సీక్’. దీన్ని నరేంద్ర బుచ్చిరెడ్డి నిర్మిస్తున్నారు. బసిరెడ్డి రానా దర్శకత్వంలో ఈ సినిమా తెరకెక్కుతోంది. తాజాగా ఈ చిత్రం మోషన్ పోస్టర్‌ను నటుడు శివాజీ ఆవిష్కరించారు. మోషన్ పోస్టర్ విడుదల సందర్భంగా నిర్వహించిన ప్రెస్ మీట్‌లో శివాజీ మాట్లాడుతూ…
దర్శకుడు బసిరెడ్డి రానా గతంలో ఆదిత్య హాసన్ తెరకెక్కించిన #90’s వెబ్ సిరీస్ నుంచి తెలుసని. అతడు కరాటే మాస్టర్ పాత్రలో నటించాడని గుర్తు చేసుకున్నారు. ఆ సమయంలోనే బసిరెడ్డి రానా కష్టపడే స్వభావం, ఆయన డైనమిక్ వర్క్ స్టైల్‌ను గమనించానని తెలిపారు. ‘హైడ్ ఎన్ సీక్’ చిత్రంతో తెలుగు చలనచిత్ర పరిశ్రమకు మరో ప్రతిభావంతుడైన దర్శకుడు పరిచయమవుతున్నాడని ఆయన ఆశాభావం వ్యక్తం చేశారు.
