Vijay Shankar : యువ హీరో విజయ్ శంకర్ తన కెరీర్‌లో మరో ఆసక్తికరమైన చిత్రంతో ప్రేక్షకుల ముందుకు వస్తున్నాడు. “దేవరకొండలో విజయ్”, “ఫోకస్” వంటి చిత్రాలతో మంచి గుర్తింపు తెచ్చుకున్న ఈ యువ నటుడు, తన తాజా చిత్రం “పాగల్ వర్సెస్ కాదల్”లో కార్తీక్ అనే సాఫ్ట్‌వేర్ ఉద్యోగి పాత్రను పోషిస్తున్నాడు. ఈ సినిమా ఈ నెల 9న అంటే రేపే ప్రేక్షకుల ముందుకు వస్తోంది.
కార్తీక్ అనే సాధారణ యువకుడు ఒక గ్రామీణ యువతిని ప్రేమిస్తాడు. వీరిద్దరి భిన్న వ్యక్తిత్వాలు మరియు వారి మధ్య ఏర్పడిన ప్రేమ సంబంధం చిత్రం యొక్క ప్రధాన ఆకర్షణ. ఈ ప్రేమ కథ ఎలా ముందుకు సాగుతుంది అనేదే ఈ సినిమా కథాంశం. “పాగల్ వర్సెస్ కాదల్” చిత్రానికి రాజేశ్ ముదునూరి దర్శకత్వం వహిస్తున్నారు. ఈ చిత్రం శివత్రి ఫిలింస్ బ్యానర్ పై పడ్డాన మన్మథరావు నిర్మిస్తున్నారు.
విజయ్ శంకర్‌కు జోడిగా విషిక నటిస్తోంది. ఈ చిత్రం రొమాంటిక్ కామెడీ ఎంటర్‌టైనర్‌గా తెరకెక్కింది. విజయ్ శంకర్ ఈ చిత్రం గురించి మాట్లాడుతూ, కథ చాలా యూనిక్‌గా ఉంటుందని, ప్రతి సామాన్యుడు తమ జీవితంలో ఇలాంటి పరిస్థితులను ఎదుర్కొంటారని అన్నారు. ఈ చిత్రం ప్రేక్షకులను ఎంతగానో అలరిస్తుందని ఆయన ఆశాభావం వ్యక్తం చేశారు. “పాగల్ వర్సెస్ కాదల్” చిత్రం విజయ్ శంకర్ కెరీర్‌లో మరో మైలురాయిగా నిలుస్తుందని అంచనా వేస్తున్నారు. ఈ చిత్రం ప్రేక్షకులను ఎంతగా ఆకట్టుకుంటుందో చూడాలి.
