Harihara Veeramallu : పవర్ స్టార్ పవన్ కళ్యాణ్ అప్ కమింగ్ మూవీ ‘హరిహర వీరమల్లు’ మూవీ గురించి ఫ్యాన్స్ ఎంతో ఆత్రుతగా ఎదురు చూస్తున్నారు. క్రిష్ జాగర్లమూడి, జ్యోతి కృష్ణ దర్శకత్వంలో పీరియాడికల్ యాక్షన్ డ్రామాగా రూపొందుతోంది. చారిత్రక నేపథ్యంలో కథ సాగుతుంది. సామ్రాజ్యవాదుల అణచివేతకు వ్యతిరేకంగా పోరాడే ఒక సామాన్యుడి కథతో ఈ సినిమా తెరకెక్కుతోంది. ఈ సినిమాలోని ఒక యుద్ధ దృశ్యాన్ని హాలీవుడ్ యాక్షన్ డైరెక్టర్ నిక్ పావెల్ సారధ్యంలో చిత్రీకరించారు. ఈ సీన్‌లో 400-500 మంది ఆర్టిస్టులు పాల్గొన్నారు. ఇది సినిమాకు మరో ప్రత్యేక ఆకర్షణగా నిలుస్తుందని అంచనా.
ఈ భారీ బడ్జెట్ చిత్రం 2025 మార్చి 28న ప్రపంచవ్యాప్తంగా విడుదల కానుంది. సినిమా షూటింగ్ జరుగుతున్న తరుణంలో మేకర్స్ అప్పుడప్పుడు విడుదల చేస్తున్న ఫొటోలు మరియు వీడియోలు సోషల్ మీడియాలో వైరల్ అవుతున్నాయి. తాజాగా విజయదశమి కానుకగా విడుదలైన హరిహర వీరమల్లు ప్రత్యేక పోస్టర్ లో పవన్ కళ్యాణ్ విల్లు నుండి అగ్నితో కూడిన భాణాలను విసురుతూ అగ్రెసివ్ గా కనిపిస్తున్నారు . ఈ లుక్ అభిమానులకు భలేగా నచ్చేసింది. ఇంక ఇందులో పవన్ కళ్యాణ్ స్వయంగా ఒక పాటను ఆలపించారు. ఇది పవన్ అభిమానులకు ఒక అదనపు ట్రీట్‌గా నిలవనుంది. ఎం.ఎం. కీరవాణి సమకూర్చిన సంగీతం ఈ సినిమాకు మరో హైలైట్.
