సూపర్ స్టార్ మహేష్ బాబు, స్టార్ రైటర్-డైరెక్టర్ త్రివిక్రమ్ శ్రీనివాస్‌ల యాక్షన్ ఎంటర్‌టైనర్ ‘గుంటూరు కారం’ జనవరి 12, 2024న థియేటర్లలోకి రాబోతోంది. సంక్రాంతి సీజన్‌లో ఇది అతి పెద్ద విడుదల కాగా, మహేష్ బాబు అభిమానులు తమ అభిమాన హీరోను మాస్ అవతార్‌లో చూడాలని చాలా కాలంగా ఎదురుచూస్తున్నారు. మొదటి నుంచీ, ‘గుంటూరు కారం’ నిర్మాతలు మహేష్ స్టైల్ మరియు క్యారెక్టర్ పూర్తిస్థాయిలో కనిపించేలా చూసుకున్నారు.
టీజర్‌ లోని ‘బీడి’ డైలాగ్‌కు విపరీతమైన స్పందన వచ్చింది. అప్పటి నుంచి సినిమా విడుదల కోసం ఎదురుచూస్తున్నారు. ఈ సినిమాపై భారీ అంచనాలు ఉన్నాయి. షూటింగ్ గత వారం ముగిసింది. టీమ్ మూడు పాటలను విడుదల చేసింది. వాటికి ఇప్పటి వరకు చాలా మంచి స్పందన లభించింది. లేటెస్ట్ గా ఈ సినిమాలో మీనాక్షి చౌదరి ఫస్ట్ లుక్ పోస్టర్ విడుదల చేశారు.
ఇక ఇప్పుడు సెన్సార్ కార్యక్రమాలు పూర్తయ్యాయని, ఈ ఇన్‌ఫ్లమబుల్ ఎంటర్‌టైనర్‌కు ‘U/A’ సర్టిఫికేట్ ఇచ్చారని నిర్మాతలు అధికారికంగా ప్రకటించారు. నుదుటిపై ఎరుపు గుడ్డతో బీడీ వెలిగించే సూపర్ పోస్టర్ ద్వారా టీమ్ దీన్ని ప్రకటించింది. ఈ పోస్టర్‌లో మహేశ్ అద్భుతంగా , చాలా అందంగా కనిపిస్తున్నాడు. జనవరి 6వ తేదీన నిర్వహించే పబ్లిక్ ఈవెంట్‌లో విడుదల కానున్న థియేట్రికల్ ట్రైలర్ కోసం అభిమానులు ఎదురు చూస్తున్నారు. జగపతి బాబు, జయరాం, ప్రకాష్ రాజ్, రమ్యకృష్ణన్ లాంటి వారు నటిస్తున్నారు. ఇంక ఈ ప్రాజెక్ట్‌లో శ్రీలీల, మీనాక్షి చౌదరి హీరోయిన్స్ గా నటిస్తున్నారు.
