Gowtham menon : తమిళ దర్శకుడు గౌతమ్ వాసుదేవ్ తెలుగులో కూడా మంచి గుర్తింపు సంపాదించుకున్నాడు. కొన్ని ఫ్లాప్ సినిమాలు ఉన్నప్పటికీ, మంచి కంటెంట్ తో ప్రేక్షకులను మెప్పించగలిగాడు. “ఏ మాయ చేసావే”, “ఘర్షణ”, “సూర్య సన్నాఫ్ కృష్ణన్” లాంటి సినిమాలతో తెలుగు ప్రేక్షకులకు దగ్గరయ్యాడు.
ప్రస్తుతం ఆర్థిక ఇబ్బందుల్లో ఉన్న గౌతమ్ కు మళ్లీ బౌన్స్ బ్యాక్ అయ్యే అవకాశం వచ్చిందని తెలుస్తోంది. ఒక బడా హీరో తనతో సినిమా చేయడానికి గ్రీన్ సిగ్నల్ ఇచ్చినట్లు సమాచారం. గతంలో మంచి పారితోషకం అందుకుంటూ రాణించిన గౌతమ్, నిర్మాతగా మారాలని నిర్ణయించుకోవడంతో ఇబ్బందులు ప్రారంభమయ్యాయి. ఇటీవల విక్రమ్ తో “ధ్రువ నక్షత్రం” అనే సినిమా తీసినా విడుదలకు నోచుకోలేదు. ఈ కష్ట సమయంలో మలయాళ సూపర్ స్టార్ మమ్మూట్టి ఒక ఆఫర్ ఇచ్చినట్లు తెలుస్తోంది. హీరో సొంత నిర్మాణంలో సినిమా చేయడానికి ఒప్పుకున్నాడట.
గత ఏడాది నుంచే ఈ కాంబినేషన్ లో సినిమా రాబోతోందని వార్తలు వస్తున్నాయి. ఫైనల్ స్క్రిప్ట్ సిద్ధం చేసిన గౌతమ్, హీరోకు చెప్పగా ఆయన వెంటనే ఓకే చెప్పినట్లు తెలుస్తోంది. హీరోయిన్ గా నయనతారను ఫిక్స్ చేశారు.సినిమా నిర్మాణ బాధ్యతలను కూడా హీరో తీసుకున్నాడట. గౌతమ్ కు మంచి అడ్వాన్స్ కూడా ఇచ్చినట్లు సమాచారం. ఈ సినిమాతో గౌతమ్ దర్శకుడిగా మళ్లీ రాణిస్తాడో లేదో చూడాలి.
