Gangs Of Godavari trailer : విశ్వక్ సేన్ హీరోగా నటించిన “గ్యాంగ్స్ ఆఫ్ గోదావరి” సినిమా ఈ నెల 31న థియేటర్లలో విడుదల కానుంది. కృష్ణచైతన్య దర్శకత్వం వహించిన ఈ చిత్రాన్ని సూర్యదేవర నాగవంశీ, సాయి సౌజన్య నిర్మించారు. నేహా శెట్టి కథానాయికగా నటించగా, అంజలి కీలక పాత్ర పోషించింది. ఇందులో విశ్వక్ సేన్ తొలిసారిగా గోదావరి యాసలో డైలాగ్స్ చెప్పి.. ఫ్యాన్స్ ను అలరించబోతున్నాడు.
ఈ సినిమా విడుదల మరికొద్ది రోజులు మాత్రమే ఉండడంతో .. మేకర్స్ ఈ సినిమా ప్రమోషన్ కార్యక్రమాల్లో స్పీడ్ పెంచారు. అందులో భాగంగా ట్రైలర్ ను వదిలారు. ట్రైలర్ విషయానికొస్తే… “మనుషులు మూడు రకాల్రా.. ఆడ.. మగ… రాజకీయ నాయకులు” అంటూ మొదలైన ట్రైలర్ విష్వక్ సేన్ చెప్పే డైలాగ్ తో ముగుస్తుంది. “నాకు తెలిసిందొక్కటే.. మన మీదకెవడైనా వస్తే.. వాడి మీద పడిపోవడమే” అనే డైలాగ్ ఆయన పాత్ర ఎలాంటిదో తెలియచేస్తుంది. మాస్ యాక్షన్, కామెడీ, రొమాంటిక్ అంశాలతో కూడిన ఈ చిత్రం ప్రేక్షకులను ఖచ్చితంగా ఆకట్టుకుంటుందని చిత్ర బృందం నమ్ముతోంది.
