Gamechanger : ఈ ద్వితీయార్ధంలో విడుదల కాబోయే పెద్ద సినిమాల తేదీలు దాదాపు ఖరారు అయ్యాయి. తమిళ చిత్రం ‘కంగువా’ అక్టోబర్ 10న రాబోతోంది. ఇప్పుడు అందరి దృష్టి రామ్ చరణ్ ‘గేమ్ ఛేంజర్’పైనే ఉంది. రామ్ చరణ్ కథానాయకుడిగా, శంకర్ దర్శకత్వంలో తెరకెక్కుతున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్‌రాజు, శిరీష్ నిర్మిస్తున్నారు. చిత్రీకరణ చివరి దశకు చేరుకుంది.
ప్రస్తుతం ‘భారతీయుడు 2’ ప్రమోషన్లతో బిజీగా ఉన్న దర్శకుడు శంకర్, ఈ రెండు సినిమాలను సమాంతరంగా తెరకెక్కించారు. ‘భారతీయుడు 2’ వచ్చే నెల 12న విడుదల కానుంది. ఆ తర్వాతే ‘గేమ్ ఛేంజర్’ ఎప్పుడు విడుదల చేస్తారనే విషయంపై క్లారిటీ వచ్చే అవకాశం ఉంది. సినీ వర్గాల సమాచారం ప్రకారం, దీపావళి సందర్భంగా ‘గేమ్ ఛేంజర్’ను విడుదల చేసేందుకు చిత్రబృందం ప్రణాళికలు సిద్ధం చేస్తోంది. ఈ దీపావళికి సినిమా విడుదలైతే, బాక్సాఫీస్‌ వద్ద భారీ విజయం సాధించే అవకాశం ఉంది.
