ఎలాంటి పెద్ద హీరో కెరీర్లో అయినా.. ఏదో ఒక సినిమాకు ఎప్పుడో ఒకప్పుడు రిలీజ్ కష్టాలు ఎదురవుతాయి. నట సామ్రాట్ అక్కినేని నాగేశ్వరరావు కెరీర్ లో అలాంటి ఎన్నో సినిమాలకు ఆర్ధిక కష్టాలు ఎదురయి.. రిలీజ్ ముంగిటే అగిపోయాయి. అలాంటి ఓ సినిమా ‘ప్రేమ త్యాగము’. అంజలీ దేవి, షావుకారు జానకి కథానాయికలు. శైలజ అండ్ పద్మజ కంబైన్స్ పతాకంపై డి.సరోజినీ దేవి నిర్మాణంలో సోము దర్శకత్వంలో తెరకెక్కిన ఈ సినిమా ను చాలా కాలం పాటు చిత్రీకరించారు. నిర్మాతకు ఆర్ధిక కష్టాలు ఎదురైన కారణంతో .. విడుదల అనేక వాయిదాలు వేసుకుంది. ఎట్టకేలకు ఈ సినిమాను 1981లో విడుదల చేయాలని అనుకున్నారు. కానీ అప్పుడు కూడా విడుదలవడం కుదరలేదు. దాంతో ఆ సినిమా ల్యాబ్ కే పరిమితమైంది. ఏదో డబ్బింగ్ సినిమా టైటిల్ లా ధ్వనిస్తోన్న ప్రేమ త్యాగము చిత్రం గురించి ఎవరికీ అంతగా తెలియదు.
