Lucky Bhaskar : మలయాళ యంగ్ సూపర్ స్టార్ దుల్కర్ సల్మాన్ హీరోగా, వెంకీ అట్లూరి డైరెక్షన్ లో తెరకెక్కుతోన్న వెరైటీ మూవీ “లక్కీ భాస్కర్”. టీజర్ గ్లింప్స్ తో ఇప్పటికే ఈ సినిమా ప్రేక్షకులలో మంచి ఆసక్తిని రేకెత్తించింది. తాజాగా.. ఈ సినిమా నుండి తాజాగా మొదటి సింగిల్ విడుదలైంది. జివి ప్రకాష్ కుమార్ సంగీతం అందించిన ఈ పాటను శ్రీమణి రాశారు.
“శ్రీమతిగారు..” అంటూ సాగే ఈ మెలోడీ రొమాంటిక్ సాంగ్ .. మంచి క్యాచీ ట్యూన్, అద్భుతమైన లిరిక్స్ తో మంచి రెస్పాన్స్ తెచ్చుకుంటోంది. విశాల్ మిశ్రా, శ్వేతా మోహన్ ఈ పాటకు జీవం పోశారు. దుల్కర్ సల్మాన్, మీనాక్షి చౌదరిలపై ఈ పాటను చిత్రీకరించారు. సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్లపై నాగవంశీ, సాయి సౌజన్యలు ఈ చిత్రాన్ని నిర్మిస్తున్నారు.
