Devara movie : ఎన్టీఆర్ అభిమానులకు పుట్టినరోజు కానుకగా మే 19న “ఫియర్ సాంగ్ “ని విడుదల చేసేందుకు “దేవర” టీమ్ సన్నాహాలు చేస్తున్న సంగతి తెలిసిందే. అనిరుద్ సంగీత సారథ్యంలో విడుదల కాబోతున్న ఈ ఫస్ట్ సింగిల్ ప్రేక్షకులకు చిరకాలం గుర్తుండిపోతుందని చిత్ర యూనిట్ నమ్మకంగా ఉంది. ఈ పాటకు సంబంధించిన పవర్ ఫుల్ ప్రోమోను జూనియర్ ఎన్టీఆర్ తన ట్విట్టర్ ఖాతాలో పోస్ట్ చేశారు.
ఈ ప్రోమోలో ఎన్టీఆర్‌ని భయానికి దేవుడిగా చూపించారు. సముద్రంలో పడవల్లో పవర్ ఫుల్ గా రివీల్ అయ్యాడు. అనిరుధ్ సంగీతం ఈ పాటకు మరింత ఫ్లేవర్‌ని జోడించేలా ఉంది. లిరికల్ వీడియోలో అనిరుధ్ కూడా కనిపిస్తాడని క్లారిటీ వచ్చింది. ఈ పాట గురించి ప్రముఖ నిర్మాత నాగ వంశీ మాట్లాడుతూ.. జైలర్‌లో హుకుం పాట వింటారని, ‘ఫియర్ సాంగ్’ విన్న తర్వాత మర్చిపోతారని అన్నారు.
అనిరుధ్ తన మ్యూజిక్ తో ట్రెండ్ క్రియేట్ చేసాడు అయితే భారీ అంచనాలను అందుకుంటాడో లేదో చూడాలి. కొరటాల శివ దర్శకత్వం వహించిన ఈ చిత్రంలో జాన్వీ కపూర్ హీరోయిన్‌గా నటిస్తుండగా, సైఫ్ అలీఖాన్ విలన్‌గా నటించారు. ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా ఈ చిత్రాన్ని నిర్మిస్తున్నాయి. మొత్తానికి “ఫియర్ సాంగ్” హైప్‌ని పెంచే అవకాశం ఉంది. మరి అనిరుద్ సంగీతం అభిమానులను ఏ మేరకు ఆకట్టుకుంటుందో చూడాలి. అక్టోబర్ 10న సినిమా విడుదల కానున్న సంగతి తెలిసిందే. మరి ఈ సినిమా బాక్సాఫీస్ వద్ద ఎలాంటి సంచలనం సృష్టిస్తుందో చూడాలి.
