ప్రపంచ సినీ ప్రేమికులకు ఫాస్ట్ సిరీస్ అంటే .. చాలా పిచ్చి. విన్ డీసిల్ బృందం చేసే కార్ రేస్ యాక్షన్ సిరీస్ ను గత ఎనిమిది భాగాల నుంచి అద్భుతంగా ఆదరిస్తూ వస్తున్నారు ప్రపంచ ప్రేక్షకులు. ఇప్పుడు ఈ సిరిస్ లో తొమ్మిదో భాగం ‘‘ఎఫ్ 9 : ది ఫాస్ట్ సాగా’ చిత్రం ఇప్పుడు విడుదలకు సిద్ధమవుతోంది. అయితే ఈ సినిమా నిజానికి ఈ ఏడాది సమ్మర్ లో విడుదల కావాలి లెక్క ప్రకారం. అయితే కరోనా వైరస్ ప్రభావం వల్ల ఈ సినిమా దాదాపు సంవత్సరం పాటు విడుదలను వాయిదా వేసుకోవడం హాలీవుడ్ సినీ ప్రేమికులకు నిరాశ కలిగించే అంశమే.
ఈ ఏడాది మే 22 న విడుదల కావాల్సిన ‘ఎఫ్ 9 : ది ఫాస్ట్ సాగా మూవీ వచ్చే ఏడాది ఏప్రిల్ 2కు వాయిదా వేస్తున్నట్టు అఫీషియల్ గా ప్రకటించారు ఈ సినిమా మేకర్స్ . సో.. యూనివర్సల్ పిక్చర్స్ బ్యానర్ పై నిర్మాణం జరుపుకుంటోన్న ‘ఎఫ్ 9’ చిత్రాన్ని, అందులోని కళ్ళు చెదిరే యాక్షన్ ఫీట్స్ ను చూడాలంటే.. ఓ సంవత్సరం ఆగాల్సిందే .
