Dulquer Salman : దుల్కర్ సల్మాన్, మీనాక్షి చౌదరి జోడీగా నటించిన విభిన్న కథా చిత్రం “లక్కీ భాస్కర్”. ఈ సినిమా సెప్టెంబర్ 7న విడుదల కానుంది. 1980-90ల నేపథ్యంలో ఓ బ్యాంక్ క్యాషియర్ అసాధారణ ప్రయాణం కథాంశంగా ఈ చిత్రం రూపొందింది. వెంకీ అట్లూరి దర్శకత్వం వహించిన ఈ చిత్రాన్ని సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ సంయుక్తంగా నిర్మించాయి. సూర్యదేవర నాగవంశీ, సాయి సౌజన్య నిర్మాతలుగా వ్యవహరించారు.
ఈ చిత్రం తెలుగుతో పాటు, తమిళ, మలయాళం, హిందీ భాషల్లో విడుదల కానుంది. పాన్ ఇండియా స్థాయిలో విడుదల కానున్న ఈ చిత్రం కోసం ముంబయి నగరాన్ని పోలిన భారీ సెట్‌ను హైదరాబాద్‌లో నిర్మించి చిత్రీకరణ జరిపారు. జి.వి.ప్రకాశ్‌ కుమార్ సంగీతం అందిస్తున్నారు. “లక్కీ భాస్కర్” సినిమా టీజర్, ఫస్ట్ లుక్ ఇప్పటికే విడుదలై మంచి స్పందనను పొందాయి. ఈ చిత్రం దుల్కర్ సల్మాన్ కెరీర్‌లో మరో మైలురాయిగా నిలిచే అవకాశం ఉంది.
