ఎనర్జిటిక్ స్టార్ రామ్ పోతినేని, డైనమిక్ డైరెక్టర్ పూరీ జగన్నాథ్ కాంబినేషన్ లో సూపర్ హిట్టైన వెరైటీ యాక్షన్ మూవీ ఇస్మార్ట్ శంకర్. ఈ సినిమా రామ్ , పూరీ ఇద్దరికీ మంచి కమ్ బ్యాక్ ను ఇచ్చింది. అందుకే ఈ మూవీ సీక్వెల్ ను అనౌన్స్ చేశారు మేకర్స్. సినిమా షూటింగ్ కూడా స్టార్ట్ అయింది.
అయితే .. హీరో రామ్ పోతినేని, దర్శకుడు పూరి జగన్నాధ్ మధ్య క్రియేటివ్ డిఫరెన్సెస్ వచ్చాయని రూమర్స్ వినిపించాయి. కొన్ని మీడియా సంస్థల కథనం ప్రకారం రామ్ పోతినేని తన పారితోషికం విషయంలో పట్టుబట్టి షూటింగ్ నిలిపివేశాడు. కానీ, నిజానికి సినిమా నిర్మాణం దాదాపు నాలుగు నెలల పాటు ఆర్థిక ఇబ్బందులు , బలహీనమైన హిందీ మార్కెట్ కారణంగా వ్యాపార ఒప్పందాలని నిలిపివేశారు.
చివరగా, చిత్ర బృందం అన్ని సమస్యలను పరిష్కరించి షూటింగ్ ప్రారంభించడానికి సిద్ధంగా ఉంది. ఈ చిత్రం రేపు ముంబైలో తిరిగి సెట్స్‌కు వస్తుంది. డబల్ ఐస్మార్ట్ లో సంజయ్ దత్‌ కీలక పాత్రలో నటిస్తున్నారు . ఈ యాక్షన్ డ్రామాలో రామ్ పోతినేని వేరే రూపంలో కనిపిస్తాడు. చార్మ్మీ అండ్ పూరి జగన్నాధ్ ఈ చిత్రానికి నిర్మాతలు.
