A.Karunakar : తెలుగు సినీ ప్రేక్షకుల మనసుల్లో చెరగని ముద్ర వేసిన చిత్రాలలో ‘తొలిప్రేమ’ ఒకటి. ఈ చిత్రం పవన్ కళ్యాణ్ కెరీర్‌కు మలుపు తిప్పి, ఆయన్ని స్టార్‌గా మార్చడంలో కీలక పాత్ర పోషించింది. ఎ. కరుణాకరన్ దర్శకత్వంలో తెరకెక్కిన ఈ చిత్రం విడుదలైనప్పటి నుండి ప్రేక్షకులను ఎంతగా ఆకట్టుకుందో, ఇప్పటికీ ఆ ఆకర్షణ అంతే ఉంది.
‘తొలిప్రేమ’ సినిమాలో పవన్ కళ్యాణ్, కీర్తి రెడ్డిల జంటగా నటించారు. కరుణాకరన్ ఈ జంటను ఎంత అద్భుతంగా తెరపై ప్రదర్శించారో చెప్పలేం. ప్రేమ, కామెడీ, సెంటిమెంట్ అన్నీ ఈ సినిమాలో చక్కగా కలిసిపోయాయి. పవన్ కళ్యాణ్ యొక్క యాక్టింగ్, కామెడీ టైమింగ్, కీర్తి రెడ్డి అందం ప్రేక్షకులను కట్టిపడేశాయి. దేవ సంగీతం ఈ సినిమాకు మరో ఆకర్షణ. ప్రతి పాట కూడా ప్రేక్షకులకు నచ్చింది. ముఖ్యంగా “ఈ మనసే సే సే”, “యేమైందో యేమో ఈ వేళ” పాటలు ఇప్పటికీ యూత్‌లో ఎంతో ఫేమస్‌.
‘తొలిప్రేమ’ విడుదలైనప్పుడు బాక్సాఫీస్‌ను షేక్ చేసింది. ఈ సినిమా అప్పటి వరకు ఉన్న రికార్డులను బద్దలు కొట్టింది. ఈ సినిమాతో పవన్ కళ్యాణ్ కెరీర్‌కు మంచి బూస్ట్ లభించింది. ఆ తర్వాత ఆయన వెనక్కి తిరిగి చూసుకోలేదు. ‘తొలిప్రేమ’ తర్వాత కరుణాకరన్ ఎన్నో సినిమాలు చేశారు. కానీ ‘తొలిప్రేమ’ లాంటి విజయాన్ని మాత్రం అందుకోలేకపోయారు. 2010లో ప్రభాస్‌తో చేసిన ‘డార్లింగ్’ సినిమా అతనికి చివరి విజయం. ఆ తర్వాత చేసిన సినిమాలు వరసగా ఫ్లాప్ అయ్యాయి.
కొంతకాలం సినిమా రంగం నుంచి దూరంగా ఉన్న కరుణాకరన్ మళ్లీ సినిమా రంగంలోకి ఎంటరయ్యేందుకు సిద్ధమవుతున్నారు. దిల్ రాజు లాంటి పెద్ద నిర్మాతతో కలిసి కొత్త సినిమా చేయబోతున్నట్లు తెలుస్తోంది. దిల్ రాజు తన బ్రదర్ కుమారుడు ఆశిష్ రెడ్డిని హీరోగా పరిచయం చేయాలని భావిస్తున్నారు. ఈ క్రమంలో కరుణాకరన్‌కు అవకాశం ఇచ్చినట్లుగా తెలుస్తోంది. కరుణాకరన్ ఎక్కువగా ప్రేమ కథలు రాసుకున్నారు. అయితే ఆశిష్ రెడ్డితో ఎలాంటి సినిమా చేస్తారో చూడాలి. కరుణాకరన్ తన అనుభవంతో ఆశిష్ రెడ్డిని మంచి హీరోగా తీర్చిదిద్దగలరని అభిమానులు ఆశిస్తున్నారు.
