Devara : యంగ్ టైగర్ ఎన్టీఆర్ , మాస్ దర్శకుడు కొరటాల కాంబినేషన్ లో రూపొందుతోన్న హై యాక్టిన్ యాక్షన్ ఎంటర్టైనర్ “దేవర”. జనతా గ్యారేజ్ తర్వాత వీరి కాంబినేషన్‌లో వస్తున్న మరో చిత్రమైనందున భారీ అంచనాలు నెలకొన్నాయి. బాలీవుడ్ బ్యూటీ జాన్వీ కపూర్ ఈ సినిమాతోనే తెలుగులో హీరోయిన్ గా ఎంట్రీ ఇవ్వబోతుండడం విశేషాన్ని సంతరించుకుంది.
సినిమా నుంచి ఇప్పటికే విడుదలైన ప్రచార చిత్రాలకు అద్భుత స్పందన లభించింది. ముఖ్యంగా.. తాజాగా విడుదలైన రొమాంటిక్ సాంగ్ “చుట్టమల్లే” సోషల్ మీడియాను షేక్ చేస్తోంది. ఎన్టీఆర్ అండ్ జాన్వీ కపూర్ ల కెమిస్ట్రీ ఈ సాంగ్ కి హైలైట్ గా నిలిచింది. కొద్ది గంటల్లోనే ఈ సాంగ్ 10 మిలియన్లకు పైగా వ్యూస్ సొంతం చేసుకుని సోషల్ మీడియాలో ట్రెండ్ అవుతోంది.
సెప్టెంబర్ 27, 2024 న విడుదల కానున్న ఈ పాన్ ఇండియా మూవీలో బాలీవుడ్ నటుడు సైఫ్ అలీఖాన్ విలన్ పాత్రలో నటిస్తుండగా, ప్రముఖ సంగీత దర్శకుడు అనిరుధ్ రవిచందర్ ఈ చిత్రానికి సంగీతం అందిస్తున్నారు. దేవర సినిమా అద్భుత విజయం సాధిస్తుందని అభిమానులు ఆశిస్తున్నారు.
