Devara Movie : యంగ్ టైగర్ ఎన్టీఆర్, యాక్షన్ చిత్రాల దర్శకుడు కొరటాల శివ కాంబోలో తెరకెక్కిన చిత్రం ‘దేవర’. ఈ సినిమా బాక్సాఫీస్ వద్ద ఇంకా తన సత్తా చూపిస్తోంది . ఏకంగా రూ.500 కోట్లకు పైగా వసూళ్లు రాబట్టి, తెలుగు సినిమా చరిత్రలో కొత్త అధ్యాయాన్ని ప్రారంభించింది.
యాక్షన్ డ్రామాగా రూపొందిన ఈ చిత్రంలో ఎన్టీఆర్ వర , దేవర అనే రెండు పాత్రల్లో ఆకట్టుకున్నారు. జాన్వీ కపూర్‌ కథానాయికగా, సైఫ్ అలీఖాన్‌ ప్రతినాయకుడిగా నటించారు. సెప్టెంబర్ 27న విడుదలైన ఈ చిత్రం, ఎన్టీఆర్ ఒక్కరి వన్ మ్యాన్ షోగా ప్రేక్షకుల చేత ప్రశంసలు అందుకుంది.దేవర చిత్రం విడుదలైన కొద్ది రోజుల్లోనే బాక్సాఫీస్ వద్ద రికార్డులను బద్దలు కొట్టింది. 18 రోజుల్లోనే రూ.509 కోట్లకు పైగా వసూళ్లు రాబట్టి, తెలుగు సినీ ఇండస్ట్రీలో సంచలనం సృష్టించింది. ఈ విజయానికి సోషల్ మీడియాలో అభిమానులు ఆనందం వ్యక్తం చేస్తున్నారు.
దేవర చిత్రానికి కొనసాగింపుగా దేవర 2 రానున్న విషయం తెలిసిందే. దీనిపై దర్శకుడు కొరటాల శివ ఆసక్తికర వ్యాఖ్యలు చేశారు. మొదటి భాగం కంటే రెండో భాగం చాలా పవర్‌ఫుల్‌గా ఉంటుందని, ప్రతీ పాత్రలో ట్విస్ట్‌ ఉంటుందని తెలిపారు. ఎన్టీఆర్ కూడా మొదటి భాగం విజయం సాధించడంతో తమ బాధ్యత మరింత పెరిగిందని, దేవర కంటే పార్ట్‌ 2 అద్భుతంగా ఉంటుందని నటుడు శ్రీకాంత్‌ తెలిపారు.
