ETV Win : ఈటీవీ విన్‌ తెలుగు ప్రేక్షకులకు కుటుంబంతో కలిసి చూసే చిత్రాలు, సిరీస్‌లతో వినోదాన్ని అందిస్తూ దగ్గరైంది. ఇటీవల వీటిలో విడుదలైన ‘#90s-ఎ మిడిల్‌ క్లాస్‌ బయోపిక్‌’, ‘శశి మథనం’ ప్రేక్షకులకు బాగా నచ్చాయి. ఇప్పుడు మరో కొత్త చిత్రంతో ఈటీవీ విన్‌ సిద్ధంగా ఉంది. నరేశ్, శ్రీలక్ష్మి, ప్రియా వడ్లమాని, రాగ్‌ మయూర్‌ ప్రధాన పాత్రల్లో నటిస్తున్న ఈ వినోదాత్మక చిత్రానికి “వీరాంజనేయులు విహారయాత్ర” అని పేరు పెట్టారు.
అనురాగ్‌ పలుట్ల దర్శకుడిగా, బాపినీడు.బి, సుధీర్‌ ఈదర సంయుక్తంగా నిర్మించారు. కుటుంబమంతా కలిసి చేసే ఒక విహార యాత్ర చుట్టూ ఈ చిత్రం కథ తిరుగుతుంది. వీరాంజనేయులు అనే అస్థికల చెంబు ఈ చిత్రంలో కీలక పాత్ర పోషిస్తుంది. దీనికి ప్రముఖ నటుడు బ్రహ్మానందం గాత్రాన్ని అందించారు.
ఈ సినిమా వచ్చే నెల 14న ఈటీవీ విన్‌లో విడుదల కానున్నట్లు చిత్రబృందం తెలిపింది. ఈ సందర్భంగా చిత్రం యొక్క గ్లింప్స్‌ను కూడా విడుదల చేశారు. నవ్వులు పూయిస్తూ, వీరాంజనేయులు కుటుంబంతో చేసిన విహార యాత్రకు ముగింపు ఎలా ఉందో తెలుసుకోవాలంటే వచ్చే నెల 14న ఈటీవీ విన్‌లో చూడండి.
