Citadel trailer : అందాల సమంత, బాలీవుడ్ స్టార్ హీరో వరుణ్ ధావన్ జోడీగా నటించిన అత్యంత ప్రతిష్టాత్మక వెబ్ సిరీస్ ‘సిటాడెల్: హనీ బన్నీ’. ప్రియాంక చోప్రా నటించిన హాలీవుడ్ సిరీస్ ‘సిటాడెల్’ కి ఇది భారతీయ వెర్షన్. రూసో బ్రదర్స్ కథ అందించిన ఈ సిరీస్‌ను దర్శకద్వయం రాజ్ అండ్ డీకే తెరకెక్కించారు.
‘ది ఫ్యామిలీ మెన్ 2’ సిరీస్ తర్వాత సమంతకు దేశవ్యాప్తంగా అభిమానులు పెరిగిన సంగతి తెలిసిందే. ఆ సిరీస్‌లో ఆమె చేసిన యాక్షన్ సీక్వెన్స్ ప్రేక్షకులను ఆకట్టుకుంది. ఈ సిరీస్‌లో ఆమె నెగటివ్ రోల్ చేసినప్పటికీ, తన అభినయంతో అందరినీ ఆశ్చర్యపరిచింది. ఇప్పుడు ‘సిటాడెల్: హనీ బన్నీ’ సిరీస్‌లో సమంత సీక్రెట్ ఏజెంట్ పాత్రలో కనిపించబోతుంది. అంతేకాకుండా బిడ్డ తల్లిగా కూడా కనిపించనుంది.
తాజాగా విడుదలైన ట్రైలర్‌లో సమంత యాక్షన్ సీన్స్ అద్భుతంగా ఉన్నాయి. అనవసరమైన ఎలివేషన్స్ లేకుండా ఫుల్ యాక్షన్ సీక్వెన్స్‌తో ఈ ట్రైలర్‌ను రాజ్ అండ్ డీకే డిజైన్ చేశారు. సమంత మరియు వరుణ్ ధావన్ ఇద్దరూ తమ ఐడెంటిటీ కోసం వెతుకుతూ, తమను వెంబడిస్తున్న వారి నుండి తప్పించుకోవడానికి పోరాటం చేస్తారు. గతంలో ఇద్దరూ కలిసి పనిచేసినట్లు తెలుసుకుని, వారి జీవితంలో ఎదురయ్యే సవాళ్లను ఎలా అధిగమించారనేది కథాంశం.
ట్రైలర్‌ను చూస్తుంటే సమంత ఈ సిరీస్ కోసం చాలా కష్టపడినట్లు స్పష్టంగా తెలుస్తోంది. ప్రతి ఫైట్ సీన్‌లో ఆమె ఎఫర్ట్స్ కనిపిస్తున్నాయి. పూర్తిస్థాయిలో యాక్షన్ క్వీన్‌గా సమంత ఈ సిరీస్ తో మారబోతుందని అనిపిస్తోంది. ఈ సిరీస్ హిట్ అయితే మాత్రం సమంత బాలీవుడ్‌లో ఫుల్ బిజీ అయిపోతుందని చెప్పొచ్చు.
రాజ్ అండ్ డీకే మరో యాక్షన్ థ్రిల్లర్‌తో ఆడియన్స్‌ను థ్రిల్ చేయడానికి రెడీ అవుతున్నారని ట్రైలర్ తో స్పష్టం అయ్యింది. నవంబర్ 7న అమెజాన్ ప్రైమ్ ఓటీటీలో రిలీజ్ కానున్న ఈ సిరీస్ సమంత మరియు వరుణ్ ధావన్ కి ఎలాంటి బ్రేక్ ఇస్తుందనేది వేచి చూడాలి. ఇదిలా ఉంటే సమంత ఈ సిరీస్ కాకుండా హిందీలో మరో థ్రిల్లర్ వెబ్ సిరీస్ కి గ్రీన్ సిగ్నల్ ఇచ్చినట్లు టాక్ వినిపిస్తోంది.
