Chiyan Vikram : పాన్ ఇండియా సినిమాగా తెరకెక్కిన ‘తంగలాన్’ సినిమా ప్రేక్షకులను అలరిస్తూ సక్సెస్‌ను అందుకుంది. ఈ సందర్భంగా హైదరాబాద్‌లో నిర్వహించిన సక్సెస్ మీట్‌లో సినిమాకు సంబంధించిన ముఖ్యమైన వ్యక్తులు తమ అభిప్రాయాలను వ్యక్తం చేశారు. “తంగలాన్ ఒక మట్టి సినిమా. తెలుగు ప్రేక్షకులు ఈ సినిమాపై చూపిస్తున్న ప్రేమకు నేను కృతజ్ఞతలు తెలుపుతున్నాను. త్వరలో ‘తంగలాన్ 2’ని తెరకెక్కించాలనే ఆలోచన ఉంది.” అన్నారు విక్రమ్.
“విక్రమ్ తన అద్భుతమైన నటనతో ఈ కథను మరో స్థాయికి తీసుకెళ్లారు. ప్రేక్షకుల స్పందన చూసి ఎంతో సంతోషంగా ఉంది.” అన్నారు దర్శకుడు పా.రంజిత్. “తెలుగు ప్రేక్షకులు మంచి సినిమాలను ఎప్పుడూ ఆదరిస్తారు. ‘తంగలాన్’పై చూపిస్తున్న ప్రేమకు కృతజ్ఞతలు.” అని నిర్మాత కె.ఇ.జ్ఞానవేల్‌ రాజా అన్నారు. ఇంకా మాళవిక, ధనుంజయన్, జీవీ ప్రకాశ్‌ కుమార్, మధుర శ్రీధర్, భాస్కరభట్ల, రాకేందు మౌళి, బాలా తదితరులు కూడా ఈ కార్యక్రమంలో పాల్గొని సినిమా సక్సెస్‌ను జరుపుకున్నారు.
