Chiranjeevi : అక్కినేని అవార్డును అందుకున్న చిరంజీవి, ఈ ఘనతను అందుకోవడం పట్ల తన ఆనందాన్ని వ్యక్తపరిచారు. హైదరాబాద్‌లో అంగరంగ వైభవంగా జరిగిన ఈ వేడుకలో బాలీవుడ్ సూపర్ స్టార్ అమితాబ్ బచ్చన్ చేతుల మీదుగా అవార్డును స్వీకరించిన చిరంజీవి, బిగ్ బితో తనకు ఉన్న గాఢమైన అనుబంధాన్ని అందరికీ వివరించారు.
ఈ సందర్భంగా ‘సైరా’ చిత్రంలో అమితాబ్‌తో కలిసి పనిచేసిన అనుభవాన్ని చిరు గుర్తు చేసుకున్నారు. ‘‘సైరా’’ కోసం కీలక పాత్రలో నటించాలని అమితాబ్‌ను కోరేందుకు చిరంజీవి ఒక సాధారణ సందేశం పంపారు. ‘‘వీడ్కోలు లేకుండా సరదాగా ఆ పాత్ర చేస్తానని, ఎలాంటి ప్రత్యేక ఏర్పాట్లు వద్దని, రెమ్యూనరేషన్ తీసుకోకుండా తన స్నేహితుని కోసం పని చేశారు అమితాబ్,’’ అని చిరంజీవి గుర్తు చేసుకున్నారు.
చివరిరోజున పారితోషికం ఇవ్వాలనుకున్నపుడు, ‘‘ఫార్మాలిటీస్ పేరిట మన స్నేహాన్ని కించపరచొద్దు’’ అంటూ అమితాబ్ చెప్పిన మాటలను చిరు మరచిపోలేదని తెలిపారు. అక్కినేని నాగేశ్వరరావుతో ఉన్న అనుబంధాన్ని గుర్తుచేసుకుంటూ, ‘‘అక్కినేని గారు నటనలో మాత్రమే కాదు, జీవనవిధానంలోనూ నాకు మార్గదర్శిగా నిలిచారు,’’ అని చిరంజీవి పేర్కొన్నారు.
