Bunny Vass : మెగాస్టార్‌ చిరంజీవి ఫ్యామిలీ అంతా కలిసి వుండాలని ఎప్పుడూ కోరుకుంటారని అన్నారు ప్రముఖ నిర్మాత బన్నీవాస్‌. తాజాగా జరిగిన ‘ఆయ్‌’ థీమ్‌ సాంగ్‌ లాంచ్‌ ప్రెస్‌మీట్‌లో ఓ జర్నలిస్టు అడిగిన ఓ ప్రశ్నకు ఆయన స్పందించారు. బన్నీ వాస్ మాట్లాడుతూ….
” ఫ్యామిలీలో ఒకోసారి కొన్ని పరిస్థితులు ఏర్పడతాయి. వాళ్ల మధ్య వున్న రిలేషన్స్‌ కానీ, వాళ్ల ఫ్యామిలీలు కలిసే సిట్యుయేషన్స్ కానీ నేను20 ఏళ్లుగా చూస్తూనే వున్నా. చిరంజీవి ఎప్పుడూ ఫ్యామిలీ అంతా కలిసి వుండాలని కోరుకుంటారు. దాంతోపాటు ప్రతి సంవత్సరం ఫ్యామిలీ అందరిని సంక్రాంతికి బెంగళూరుకు తీసుకెళతారు. ఎవరికి కుదిరితే వారు అక్కడికి వెళతారు. దానిని ఆయన ఓ సెలబ్రేషన్‌లా చేస్తారు. దానికి కారణం ఫ్యామిలీ అంతా కలిసి వుండాలి అని ఆయన కోరుకోవడం.
పిల్లలు ఎదిగినా..ఎవరి ట్రాక్‌లో వాళ్లు వున్నా ఫ్యామిలీ అంతా కలిసి వున్నాం.. మేమంతా ఒక్కటే అనే మేసేజ్‌ బయటికి పంపిస్తుంటారు. వాళ్ల వాళ్ల వ్యక్తిగత నిర్ణయాలు తీసుకోవడం వల్ల ఫ్యామిలీలో కొన్ని కొన్ని పరిస్థితులు వస్తాయి. ఫ్యామిలీ అంతా ఆ సిట్యుయేషన్స్‌ను ఫేస్‌ చేయాల్సి వస్తుంది.అంతా మాత్రాన ఇప్పుడున్న తాత్కాలిక ఎమోషన్స్‌ను బేస్‌ చేసుకుని మెగా ఫ్యామిలీకి ప్రెజెంట్‌ సిట్యుయేషన్‌తో లింక్‌ చేయడం తెలివైన నిర్ణయం కాదని నా అభిప్రాయం. ఎందుకంటే వాళ్ల బాండింగ్‌ నాకు తెలుసు.
వాళ్లు వాళ్లలో ఒక్కరికి ఏదైనా సిట్యుయేషన్‌ వచ్చినా ఎలా వుంటారో తెలుసు. ఒకే ఒక్క సిట్యుయేషన్‌ చాలు ఇప్పుడున్న అన్ని రూమర్స్‌ చెక్‌ పెట్టడానికి… నేను కూడా దాని గురించే వెయిటింగ్‌. మేము అందరం కోరుకునేది ఒక్కటే. ఆ కుటుంబం బాగుండాలని.. బాగుంటుంది కూడా. ఇలాంటి రూమర్స్‌…ఇవన్నీ పాసింగ్‌ క్లౌడ్స్‌” అన్నారు బన్నీ వాస్.
