Kalki 2898 AD : ప్రభాస్ హీరోగా నటించిన సైన్స్ ఫిక్షన్ చిత్రం “కల్కి 2898 AD”. ఇందులో భైరవ పాత్రలో నటించాడు ప్రభాస్ . ఈ చిత్రంలో ఒక ముఖ్యమైన పాత్ర పోషించిన “బుజ్జి” అనే వాహనం గురించి మరింత తెలుసుకోవడానికి, చిత్ర బృందం ఇటీవల ఒక ప్రత్యేక ఈవెంట్ ను నిర్వహించింది.
ఈ చిత్రం గురించి మరింత ఆసక్తిగా ఎదురుచూస్తున్న ప్రేక్షకులకు ఓ సర్‌ప్రైజ్ ఇచ్చింది “కల్కి” టీం. “బుజ్జి అండ్ భైరవ” అనే పేరుతో రూపొందించిన ప్రత్యేక వీడియో ఈ నెల 31 నుంచి ఓటీటీ “అమెజాన్ ప్రైమ్ వీడియో” లో స్ట్రీమింగ్ కానుంది. ఈ వీడియో చిన్నారులకు వినోదాన్ని అందించడానికి రూపొందించబడినట్లు తెలుస్తోంది. అమితాబ్ బచ్చన్, కమల్ హాసన్, దీపికా పదుకొణె, దిశా పటానీ వంటి ప్రముఖ నటులు నటించిన ఈ భారీ బడ్జెట్ చిత్రం, ఇతిహాసాలతో ముడిపడి ఉంది. ఈ చిత్రం జూన్ 27న విడుదల కానుంది.
