Border 2 : 1971 భారత్-పాకిస్థాన్ యుద్ధ నేపథ్యంలో తెరకెక్కిన ప్రసిద్ధ చిత్రం ‘బార్డర్’ కి కొనసాగింపుగా ‘బార్డర్ 2’ అనే యాక్షన్ డ్రామా చిత్రం రూపొందుతోంది. ఈ చిత్రంలో బాలీవుడ్ స్టార్లు సన్నీ డియోల్, వరుణ్ ధావన్, ఇంకా ప్రముఖ పంజాబీ గాయకుడు, నటుడు దిల్జీత్ దోసాంజ్ ప్రధాన పాత్రలు పోషిస్తున్నారు.
ఈ చిత్రంలో ముగ్గురు నటులు భారత సాయుధ దళాల అధికారులుగా కనిపించనున్నారు. ప్రముఖ దర్శకుడు అనురాగ్ సింగ్ ఈ చిత్రాన్ని తెరకెక్కిస్తున్నారు. చిత్రీకరణ జమ్మూ కశ్మీర్, శ్రీనగర్‌లో ప్రారంభం కానుంది. ప్రముఖ నిర్మాత జేపీ దత్తా ఈ చిత్రాన్ని నిర్మిస్తున్నారు. ‘బార్డర్ 2’ చిత్రాన్ని 2026 జనవరిలో ప్రేక్షకుల ముందుకు తీసుకురానున్నారు. ఈ చిత్రం భారత సైనికుల వీరత్వం, దేశభక్తిని తెరపై ఆవిష్కరించనుంది.
