బిగ్‌బాస్‌ 7 సీజన్‌ లో తన ఆటతో అభిమానులను సంపాదించుకుంటున్న గౌతమ్ కృష్ణ.. హౌజ్‌లోకి రాకముందు చేసిన ఓ సినిమా ప్రారంభించారు. ఆ సినిమా స్టార్టయి మూడు షెడ్యూల్స్ పూర్తి చేసుకుంది. బిగ్‌బాస్‌ హౌజ్‌ నుంచి గౌతమ్ రాగానే వెంటనే షూటింగ్ శరవేగంగా పూర్తి చేస్తామంటున్నారు మేకర్స్‌. గౌతమ్ కృష్ణ , శ్వేత అవస్థి, రమ్య పసుపులేటి మెయిన్ లీడ్ చేసిన ఈ చిత్రం పి. నవీన్ కుమార్‌ డైరెక్షన్‌లో సెవెన్‌ హిల్స్ సతీష్ కుమార్‌ నిర్మిస్తున్నారు. సతీష్ కుమార్‌ బర్త్‌డే సందర్భంగా ఈ చిత్రంకు సంబంధించిన ప్రెస్‌మీట్ నిర్వహించారు.
గతంలో బట్టల రామస్వామి భయోపిక్కు, కాఫీ విత్‌ ఏ కిల్లర్‌ చిత్రాలు నిర్మించి విమర్శకకుల ప్రశంసలందుకున్న సతీష్‌కుమార్‌ మూడో ప్రాజెక్ట్‌గా డిజిటల్‌ ప్లాట్‌ఫాం లో మంచి క్రేజ్ , ఆకాశవీధుల్లో చిత్రంతో నటనలో అనుభవం సంపాదించిన గౌతమ్‌కృష్ణ తో మూడో ప్రాజెక్ట్‌ ప్రారంభించారు. గౌతమ్ కృష్ణ రాకతో వెంటనే మిగతా పార్ట్‌ పూర్తి చేసి విడుదల తేదీని ప్రకటిస్తామన్నారు. త్వరలో ఫస్ట్‌లుక్‌, టీజర్‌ రిలీజ్‌ చేయబోతున్నామన్నారు. డిటేల్స్ త్వరలో అనౌన్స్‌చేస్తామన్నారు. ఈ ప్రెస్‌మీట్‌లో అతిధులు నిర్మాత సెవెన్‌ హిల్స్ సతీష్‌కుమార్‌కు జన్మదిన శుభాకాంక్షలు తెలియజేసారు.
