Bharateeyudu 1 : యూనివర్సల్ స్టార్ కమల్ హాసన్, బ్రిలియంట్ డైరెక్టర్ శంకర్ కాంబోలో 1996లో విడుదలైన “భారతీయుడు” సినిమా గురించి అందరికీ తెలిసిందే. అప్పటి ఆ బ్లాక్ బస్టర్ సినిమాకు సీక్వెల్ రెడీ అయ్యింది. ఈ నేపథ్యంలో సీక్వెల్ ప్రచారాన్ని మరింత పెంచడానికి, 1996లో విడుదలైన “భారతీయుడు” సినిమాను జూన్ 15న రీ-రిలీజ్ చేయబోతున్నారు.
ప్రస్తుత హైప్ ని బట్టి చూస్తే ఈ రీ-రిలీజ్ బాగా ఆడే అవకాశం ఉందని అందరూ అనుకుంటున్నారు. ఈ మెగా ప్రాజెక్ట్‌ను ఏఎమ్ రత్నం ‘శ్రీ సూర్య మూవీస్’ బ్యానర్‌పై భారీ స్థాయిలో నిర్మించారు. “భారతీయుడు” సినిమాలో కమల్ హాసన్, మనీషా కొయిరాలా, ఊర్మిళ హీరో హీరోయిన్లుగా నటించారు. అప్పట్లో ఈ సినిమాకు రెహ్మాన్ సంగీతం అందించగా, సీక్వెల్ కు అనిరుధ్ సంగీతం అందిస్తున్నాడు.
