Ashwin Babu : విభిన్న పాత్రలతో ప్రేక్షకులను అలరించే యంగ్ హీరో అశ్విన్ బాబు లేటెస్ట్ మూవీ “శివం భజే”. ఆగస్ట్ 1న థియేటర్లలో ఈ సినిమా మెస్మరైజ్ చేయడానికి రెడీ అవుతున్నట్టు తాజాగా చిత్రబృందం అఫీషియల్ గా అనౌన్స్ మెంట్ ఇచ్చింది. దానికి సంబంధించిన సరి కొత్త పోస్టర్ కూడా విడుదలచేసింది. ఈ పోస్టర్ లో అశ్విన్ బాబు చాలా సీరియస్ లుక్ లో, ఆగ్రెసివ్ గా కనిపిస్తున్నారు. ఈ పోస్టర్ సినిమాపై మరింతగా ఆసక్తిని పెంచుతోంది.
ఈ చిత్రంలో అశ్విన్ బాబు కి జోడీగా దిగంగన సూర్యవంశీ నటిస్తున్నారు. అప్సర్ ఈ చిత్రానికి దర్శకత్వం వహిస్తున్నారు. మహేశ్వర్ రెడ్డి మూలి నిర్మాతగా వ్యవహరిస్తున్న ఈ చిత్రానికి వికాస్ బడిసా సంగీతం అందిస్తున్నారు. “శివం భజే” చిత్రం విభిన్నమైన కథాంశంతో, అద్భుతమైన యాక్షన్ సన్నివేశాలతో ప్రేక్షకులను మెప్పించడానికి అవకాశం ఉంది.
