యాక్షన్ కింగ్ అర్జున్ సర్జా ‘సీతా పయనం’ అనే మూవీతో దర్శకుడిగా మరోసారి ప్రేక్షకుల ముందుకు రాబోతున్నారు. ‘జై హింద్’, ‘అభిమన్యు’ వంటి చిత్రాలతో తన దర్శకత్వ ప్రతిభను నిరూపించుకున్న అర్జున్ సర్జా, ఇప్పుడు హృదయాలను కదిలించే కొత్త కథతో ప్రేక్షకులను అలరించేందుకు సిద్ధమవుతున్నారు.
‘సీతా పయనం’ పేరుకు తగ్గట్టుగా .. ఈ చిత్రం కుటుంబ సభ్యులందరూ కలిసి ఆనందించేలా ఉండే ఓ మంచి కుటుంబ కథా చిత్రంగా రూపొందుతోంది. ఈ చిత్రం తెలుగు, తమిళం, కన్నడ భాషల్లో ఒకేసారి విడుదల కానుంది. అర్జున్ సర్జా స్వంత సంస్థ శ్రీ రామ్ ఫిలిమ్స్ ఇంటర్నేషనల్ బ్యానర్‌పై ఈ చిత్రాన్ని నిర్మిస్తున్నారు. చిత్రానికి సంబంధించిన ఫస్ట్ లుక్ పోస్టర్, నటీనటులు, సాంకేతిక బృందం గురించిన వివరాలు త్వరలోనే విడుదల చేయనున్నారు.
