Bollywood : బాలీవుడ్ హీరో అర్జున్ కపూర్ తన వైవిధ్యమైన పాత్రలతో ప్రేక్షకులను ఎంతగానో అలరిస్తున్న సంగతి తెలిసిందే. ‘సింగమ్ అగైన్’ లాంటి భారీ ప్రాజెక్టులతో బిజీగా ఉన్న అర్జున్, ఇప్పుడు మరో కొత్త ప్రాజెక్టుకు గ్రీన్ సిగ్నల్ ఇచ్చారు. అది కూడా ‘ది ఆర్చీస్’ తో బాలీవుడ్ ప్రేక్షకుల్ని మెప్పించిన ఖుషీ కపూర్‌తో స్ర్కీన్ షేర్ చేసుకోబోతున్నాడు.
అవును, త్వరలోనే తెరపై అర్జున్ కపూర్, ఖుషీ కపూర్ కలిసి కనిపించబోతున్నారు. ఈ విషయాన్ని అర్జున్ కపూర్ తన ఇన్‌స్టాగ్రామ్‌లో వీడియో పోస్ట్ చేసి అధికారికంగా ప్రకటించారు. “తెరపైకి అర్జున్, ఖుషీ మొదటి సారి కలిసి రాబోతున్నారు” అంటూ క్యాప్షన్‌ ఇచ్చారు. తాజా సమాచారం ప్రకారం ఇదొక రీమేక్‌ చిత్రం.
బోనీకపూర్ కొడుకు అర్జున్ కపూర్ కు శ్రీదేవి చిన్న కూతురు సవతి చెల్లెలు అవుతుందన్న సంగతి తెలిసిందే. ఈ ఇద్దరూ ఈ సినిమాలో అన్నాచెల్లెళ్ళుగా నటించబోతున్నట్టు సమాచారం. మరి మొదటిసారిగా కలిసి నటించబోతున్న ఈ అన్నచెల్లెళ్ళు ఏ రేంజ్ లో సక్సెస్ అందుకుంటారో చూడాలి.
