Anushka shetty : అందాల నటీమణి అనుష్క శెట్టి చివరిసారిగా “మిస్ శెట్టి మిస్టర్ పోలిశెట్టి” చిత్రంలో కనిపించింది. ఇప్పుడు ఆమె క్రిష్ జాగర్లమూడి దర్శకత్వం వహిస్తోన్న “ఘాటి” అనే కొత్త చిత్రంలో నటిస్తోంది. ఈ చిత్రంలో ఆమె ఒక ఆసక్తికరమైన పాత్ర పోషిస్తున్నట్లు తెలుస్తోంది. చిత్రబృందం తాజాగా షూటింగ్ షెడ్యూల్ ను ప్రారంభించింది. దీంతో ఈ చిత్రం మళ్లీ వార్తల్లో నిలిచింది.
దర్శకుడు క్రిష్ హైదరాబాద్‌లోని రామోజీ ఫిల్మ్ సిటీలో అనుష్క శెట్టి, ఇతర నటీనటులతో కొత్త షెడ్యూల్‌ను ప్రారంభించారు. ఈ దశ చిత్రీకరణ కొన్ని రోజుల పాటు జరగనుంది. “ఘాటి”లో విక్రమ్ ప్రభు, చైతన్య రావు కూడా ముఖ్యమైన పాత్రలు పోషిస్తున్నారు. ఈ చిత్రాన్ని ఫస్ట్ ఫ్రేమ్ ఎంటర్టైన్మెంట్స్. యూవీ క్రియేషన్స్ బ్యానర్‌లపై నిర్మిస్తున్నారు.
అనుష్క శెట్టి గతంలో “అరుంధతి”, “రుద్రమదేవి”, “భాగమతి” వంటి చిత్రాలలో నటించి మెప్పించింది. ఈ చిత్రాల ద్వారా ఆమె లేడీ సూపర్ స్టార్ గా గుర్తింపు పొందింది. “ఘాటి” కూడా ఆమె కెరీర్‌లో మరో మైలురాయిగా నిలిచే అవకాశం ఉంది. ఈ చిత్రంపై ప్రేక్షకుల్లో ఇప్పటికే భారీ అంచనాలు నెలకొన్నాయి. షూటింగ్ షెడ్యూల్ ప్రారంభం కావడంతో ఈ చిత్రం విడుదల తేదీపై కూడా అభిమానులు ఆసక్తిగా ఎదురుచూస్తున్నారు.
