Anupama Parameswaran : ‘టిల్లు స్క్వేర్‌’ సినిమాతో తెలుగు ప్రేక్షకులను అలరించిన అందాల తార అనుపమ పరమేశ్వరన్ మరో కొత్త సినిమాతో ప్రేక్షకుల ముందుకు రాబోతుంది. ఈ సారి తమిళ హీరో ప్రదీప్‌ రంగనాథన్ తో జోడీ కట్టబోతోంది. ఈ సినిమాకు ‘డ్రాగన్’ అనే టైటిల్‌ను ఫిక్స్ చేశారు.
‘ఓ మై కడవులే’ ఫేమ్ దర్శకుడు అశ్వత్‌ మారిముత్తు ఈ సినిమాను తెరకెక్కిస్తున్నాడు. ఈ సినిమాలో అనుపమ పరమేశ్వరన్ కీర్తి అనే పాత్రలో కనిపించనుంది. రొమాంటిక్ కామెడీ నేపథ్యంలో రూపొందుతున్న ఈ సినిమా చిత్రీకరణ ప్రస్తుతం జోరుగా సాగుతోంది.
ఏజీఎస్ ఎంటర్‌టైన్‌మెంట్ బ్యానర్‌పై కల్పతి ఎస్.సురేశ్ మరియు కల్పతి ఎస్.గణేశ్ సంయుక్తంగా ఈ సినిమాను నిర్మిస్తున్నారు. త్వరలోనే ఈ సినిమా విడుదల తేదీని ప్రకటించనున్నట్లు తెలిపారు. ప్రస్తుతం అనుపమ పరమేశ్వరన్ ‘పరదా’, ‘బైసన్’, ‘లాక్‌డౌన్’ వంటి చిత్రాలలో నటిస్తూ బిజీగా ఉంది.
